Iran Israel War : FIFA વર્લ્ડકપ આ વર્ષે અમેરિકા,મેક્સિકો અને કેનેડામાં રમાશે. આ વચ્ચે ડોનાલ્ડ ટ્રમ્પનું એક નિવેદન સામે આવ્યું છે. જેમાં તેમણે ઈરાનની ફુટબોલ ટીમને ચેતવણી આપી છે.
દુનિયાની સૌથી મોટી ફુટબોલ ટૂર્નામેન્ટ FIFA ફીફા વર્લ્ડકપ 2026ને લઈ એક નવી રાજકીય ચર્ચા શરૂ થઈ છે. ટુર્નામેન્ટ પહેલા, યુએસ રાષ્ટ્રપતિના નિવેદને હંગામો મચાવ્યો છે, જેમાં ઈરાની રાષ્ટ્રીય ટીમને ચેતવણી આપવામાં આવી છે કે, જો તેઓ વર્લ્ડ કપમાં ભાગ લેશે તો તેમના જીવન અને સુરક્ષા જોખમમાં મુકાઈ શકે છે.
વર્લ્ડકપમાં ભાગ લેવો સુરક્ષિત નહી
ડોનાલ્ડ ટ્રમ્પે ઈરાનની ફુટબોલ ટીમને લઈ એક મોટું નિવેદન આપ્યું છે. તેમણે કહ્યું કે, ઈરાનનું વર્લ્ડકપમાં સ્વાગત છે પરંતુ ખેલાડીઓનું અહી આવવું સુરક્ષિત નથી. ટ્રમ્પે સોશિયલ મીડિયા પ્લેટફોર્મ પર લખ્યું કે, ઈરાનની ફુટબોલ ટીમનું વર્લ્ડકપમાં સ્વાગત છે પરંતુ તેમને લાગતું નથી કે, તેના જીવ અને સુરક્ષા માટે તેને અહી આવવું યોગ્ય છે.
