કેન્દ્રીય ગૃહમંત્રી અમિત શાહ આજે ત્રણ દિવસની મુલાકાતે આંદામાન અને નિકોબાર દ્વીપસમૂહની મુલાકાતે જઈ રહ્યા છે. આ દરમિયાન તેઓ સંસદીય સલાહકાર સમિતિની બેઠકની અધ્યક્ષતા કરશે. બેઠકમાં દ્વીપસમૂહના વિકાસ, સુરક્ષા વ્યવસ્થા તેમજ વિવિધ વહીવટી મુદ્દાઓ પર ચર્ચા થવાની સંભાવના છે.ત્રણ દિવસીય પ્રવાસ દરમિયાન અમિત શાહ દ્વારા વિવિધ કાર્યક્રમોમાં હાજરી આપવામાં આવશે તેમજ અધિકારીઓ સાથે મહત્વપૂર્ણ સમીક્ષા બેઠકો પણ યોજાશે. કેન્દ્ર સરકાર દ્વારા આંદામાન અને નિકોબારના સર્વાંગી વિકાસ માટે હાથ ધરાયેલા પગલાંની પ્રગતિ અંગે પણ ચર્ચા કરવામાં આવશે.
આ મુલાકાત દરમિયાન કેન્દ્રીય ગૃહમંત્રી અમિત શાહ દ્વારા આંદામાન અને નિકોબાર દ્વીપસમૂહની વ્યૂહાત્મક મહત્વતા, સરહદી સુરક્ષા, આપત્તિ વ્યવસ્થાપન તેમજ આદિવાસી કલ્યાણ સંબંધિત યોજનાઓની પણ સમીક્ષા કરવામાં આવશે. સાથે જ કેન્દ્ર સરકારની વિવિધ વિકાસ યોજનાઓ જમીનસ્તરે કેવી રીતે અમલમાં આવી રહી છે તેની માહિતી અધિકારીઓ પાસેથી લેવામાં આવશે. મુલાકાતને દ્વીપસમૂહના આર્થિક અને માળખાગત વિકાસ માટે મહત્વપૂર્ણ માનવામાં આવી રહી છે.
