ભારતીય મહિલા ક્રિકેટ ટીમના સપોર્ટ સ્ટાફમાં મોટો ફેરફાર, નવો ફિટનેસ કોચ જોડાવાની તૈયારી 🏏
ભારતીય મહિલા ક્રિકેટ ટીમને વધુ મજબૂત અને ફિટ બનાવવા માટે BCCI દ્વારા મહત્વપૂર્ણ પગલું લેવામાં આવી રહ્યું છે. ટીમ માટે ટૂંક સમયમાં નવા સ્ટ્રેન્થ અને કન્ડીશનિંગ કોચની નિયુક્તિ કરવામાં આવશે. આ નિર્ણય ભવિષ્યના આંતરરાષ્ટ્રીય પ્રવાસો અને મોટા ટૂર્નામેન્ટને ધ્યાનમાં રાખીને લેવામાં આવ્યો છે.
મળતી માહિતી મુજબ, નિકોલસ લીને ભારતીય મહિલા ટીમના નવા સ્ટ્રેન્થ અને કન્ડીશનિંગ કોચ તરીકે પસંદ કરવામાં આવ્યા છે. તેમની નિયુક્તિ મહિલા પ્રીમિયર લીગ (WPL) પૂર્ણ થયા બાદ અમલમાં આવશે. WPL બાદ ભારતીય ટીમ ઓસ્ટ્રેલિયા પ્રવાસે જવાની છે, જ્યાં ફિટનેસ મહત્વપૂર્ણ ભૂમિકા ભજવશે.
વિદેશી અનુભવથી સજ્જ કોચ
નિકોલસ લી ફિટનેસ અને પરફોર્મન્સ ક્ષેત્રમાં આંતરરાષ્ટ્રીય અનુભવ ધરાવે છે. તેઓ અગાઉ
- અફઘાનિસ્તાનની પુરુષ ક્રિકેટ ટીમ
- બાંગ્લાદેશ ક્રિકેટ બોર્ડ
- શ્રીલંકા ક્રિકેટ ટીમ
સાથે સ્ટ્રેન્થ અને કન્ડીશનિંગ કોચ તરીકે કામ કરી ચૂક્યા છે. ઉપરાંત તેઓ ILT20 લીગમાં પણ પોતાની સેવાઓ આપી ચૂક્યા છે.
મહિલા ટીમને મળશે મોટો ફાયદો
નવા કોચની આવકથી ભારતીય મહિલા ટીમમાં
✔ ખેલાડીઓની ફિટનેસ લેવલ
✔ ઇન્જરી પ્રિવેન્શન
✔ સ્ટેમિના અને રિકવરી સિસ્ટમ
વધુ મજબૂત બનવાની આશા છે. આગામી સમયમાં મહિલા ટીમ માટે આ બદલાવ લાંબા ગાળે લાભદાયક સાબિત થઈ શકે છે.
