નવી દિલ્હી,તા.26
ઇન્ડિયન ફાર્મર્સ ફર્ટિલાઇઝર કોઓપરેટિવ લિમિટેડ (ઇફ્કો) એ તેની 55મી વાર્ષિક સાધારણ સભા (એજીએમ) દરમિયાન મહિલા સશક્તિકરણ અને સહકારી ઉત્કૃષ્ટતાની ભાવનાનું સન્માન કર્યું, સમાવેશી વિકાસ અને સહકારી ચળવળ પ્રત્યેની પોતાની પ્રતિબદ્ધતાને ફરી દોહરાવી.
આ પ્રસંગે, પ્રતિષ્ઠિત ઇફ્કો સહકારિતા રત્ન અને સહકારિતા બંધુ પુરસ્કાર ઇફ્કોના ઇતિહાસમાં પ્રથમ વખત ઉત્કૃષ્ટ મહિલા સિદ્ધિકર્તાઓને એનાયત કરવામાં આવ્યા; જે કાશ્મીર અને ગુજરાતનું પ્રતિનિધિત્વ કરે છે, સહકારી ક્ષેત્રને મજબૂત કરવામાં અને ગ્રામીણ સમુદાયોને સશક્ત બનાવવામાં તેમના અનુકરણીય યોગદાનની માન્યતામાં.
ઇફ્કો સહકારિતા રત્ન પુરસ્કાર, સહકારી ચળવળમાં ઉત્કૃષ્ટ સેવાઓ માટે. વર્ષ 2024-25 માટે “ઇફ્કો સહકારિતા રત્ન પુરસ્કાર”-“11 લાખના માનદ સાથે- શકીલા અખ્તરને એનાયત કરવામાં આવ્યો.
સંયુક્ત રાષ્ટ્ર દ્વારા વર્ષ 2025-26ને “મહિલા ખેડૂત વર્ષ” જાહેર કરવાના ઉપલક્ષ્યમાં, આ સન્માન તેમને દેશભરમાં, ખાસ કરીને જમ્મુ અને કાશ્મીર રાજ્યમાં, ગ્રાસરૂટ સ્તરે મહિલા કૃષિ અને સહકારી ચળવળને સશક્ત અને મજબૂત કરવાની દિશામાં તેમના ઉત્કૃષ્ટ યોગદાન અને અનુકરણીય પ્રતિબદ્ધતાની માન્યતામાં એનાયત કરવામાં આવ્યું.
ત્યારબાદ, ભાવના ગોંડલિયાને વર્ષ 2024-25 માટે ઇફ્કો સહકારિતા બંધુ પુરસ્કાર-“11,00,000ના રોકડ ઇનામ સાથે-સહકારી ચળવળમાં તેમની ઉત્કૃષ્ટ સેવાઓ અને કૃષિમાં મહિલાઓના સશક્તિકરણમાં તેમના અનુકરણીય યોગદાનની માન્યતામાં એનાયત કરવામાં આવ્યો.
સભાને સંબોધતા, ઇફ્કો અધ્યક્ષ દિલીપ સંઘાણીએ ઇફ્કોની સતત સફળતા પાછળની સામૂહિક શક્તિને રેખાંકિત કરી. તેમણે જણાવ્યું કે સહકારી મંડળીઓ, ખેડૂતો અને વ્યાવસાયિક કર્મચારીઓના અડગ સમર્થન અને સમર્પણે ઇફ્કોને વિશ્વની અગ્રણી સહકારી સંસ્થાઓમાંની એક બનાવવામાં મહત્વપૂર્ણ ભૂમિકા ભજવી છે.
ઇફ્કો વડાપ્રધાન નરેન્દ્ર મોદીના ‘સહકાર સે સમૃદ્ધિ’ (સહકારથી સમૃદ્ધિ) ના વિઝનનું સાચું પ્રતીક છે, જે એક જીવંત અને આત્મનિર્ભર સહકારી ઇકોસિસ્ટમ દ્વારા ખેડૂતો અને ગ્રામીણ ભારતને સશક્ત બનાવવા માંગે છે. ઇફ્કોની યાત્રા અને સિદ્ધિઓ સહકારિતાની શક્તિનું પ્રતિબિંબ છે. અમારા ખેડૂતો, સહકારી મંડળીઓ અને વ્યાવસાયિક કાર્યબળ સાથે મળીને આ સફળતાની કથાની કરોડરજ્જુ બનાવે છે, સંઘાણીએ કહ્યું.
એજીએમમાં દેશભરમાંથી 850 થી વધુ સહકારી નેતાઓ, સભ્ય મંડળીઓ, ખેડૂત પ્રતિનિધિઓ અને હિતધારકોએ ભાગ લીધો, જે ભારતમાં સહકારી ચળવળની વધતી તાકાત અને સુસંગતતાને રેખાંકિત કરે છે.
ઇફ્કોની એજીએમની મુખ્ય વિશેષતાઓ નીચે મુજબ છે:
નાણાકીય અને કાર્યકારી પ્રદર્શન: ઇફ્કોએ તેના નાણાકીય પરિણામો અને કાર્યકારી સિદ્ધિઓની મજબૂત સમીક્ષા રજૂ કરી. કે જે પટેલ, મેનેજિંગ ડિરેક્ટર, ઇફ્કોએ જાહેરાત કરી કે સંસ્થાએ રૂા.4585 કરોડ. કર્મચારીઓ માટે રૂા.490.65 કરોડ નો અભૂતપૂર્વ પ્રોત્સાહન ઇફ્કો કર્મચારીઓ માટે આ વર્ષે જાહેર કરવામાં આવ્યું છે. ઇફ્કો અધ્યક્ષ શ્રી દિલીપ સંઘાણી જીની જાહેરાત અનુસાર, નીચલા સ્તરના કર્મચારીઓ માટે લઘુત્તમ વેતન રૂા.20,000/- જાહેર કરવામાં આવ્યું છે જેના માટે વધારાનું બજેટ રૂા.140 કરોડ ની જાહેરાત કરવામાં આવી છે.
ક્ષેત્રીય પહેલ: એક પ્રદર્શનમાં ભારતીય બીજ સહકારી સમિતિ લિમિટેડ (BBSSL), નેશનલ કોઓપરેટિવ એક્સપોર્ટ્સ લિમિટેડ (NCEL), ઇફ્કો-ટોકિયો જનરલ ઇન્શ્યોરન્સ કંપની, ઇફ્કો બજાર, ઇફ્કો-ખઈ, કિસાન રૂરલ ફાઇનાન્સ સહિત વિવિધ પહેલોમાં નવા ક્ષેત્રોમાં મુખ્ય પ્રગતિ અને રોકાણ પ્રદર્શિત કરવામાં આવ્યા. ઇફ્કોની એજીએમમાં ઇક્વિટી શેરહોલિ્ંડગ દ્વારા ભારત ટેક્સીમાં ઇફ્કોના રોકાણની ફરી પુષ્ટિ કરવામાં આવી.
ધ્યાન કેન્દ્રિત ટકાઉ કૃષિ, દિલીપ સંઘાણીના નવા નેતૃત્વ હેઠળ, ઇફ્કોએ ટકાઉ ખેતી પદ્ધતિઓ પ્રત્યેની પોતાની પ્રતિબદ્ધતા દોહરાવી, નેનો-ખાતરોને વ્યાપક રીતે અપનાવવા અને નાના અને સીમાંત ખેડૂતોને ઉત્પાદકતા અને આવક વધારવા માટે વધુ સારા સમર્થન પર વિશેષ ભાર મૂક્યો.
આ કાર્યક્રમે વિકસિત ભારતના રાષ્ટ્રીય વિઝન અનુસાર આત્મનિર્ભર અને સમૃદ્ધ ગ્રામીણ ભારતના નિર્માણમાં સહકારી મંડળીઓની મહત્વપૂર્ણ ભૂમિકાને મજબૂત બનાવી.
ઇફ્કો વિશે
ઇફ્કો (ઇન્ડિયન ફાર્મર્સ ફર્ટિલાઇઝર કોઓપરેટિવ લિમિટેડ) ભારતની સૌથી મોટી ખાતર સહકારી સંસ્થા છે, જે સંપૂર્ણપણે સહકારી મંડળીઓની માલિકીની છે અને ભારતીય ખેડૂતોના કલ્યાણ માટે સમર્પિત છે. ઇફ્કોએ 90.63 લાખ મેટ્રિક ટન ખાતર નાણાકીય વર્ષ 2025-26માં ઉત્પાદિત કર્યું, જેમાં 48.29 લાખ મેટ્રિક ટન યુરિયા અને 42.34 લાખ મેટ્રિક ટન NPK/DAP/WSF અને વિશેષ ખાતરનો સમાવેશ થાય છે. નાણાકીય વર્ષ 2025-26 માટે ઇફ્કોનો કરવેરા પહેલાનો નફો સર્વકાલીન ઉચ્ચ રૂા.4,200 કરોડ થી વધુ હોવાનું અનુમાન છે. નેનોટેકનોલોજી, ડ્રોન ટેકનોલોજી, AI અને ડેટા એનાલિટિક્સમાં સતત નવાચાર દ્વારા, ઇફ્કો ભારતમાં કૃષિ-ખાદ્ય ક્ષેત્રને બદલી રહ્યું છે અને સહકાર સે સમૃદ્ધિ ના ઉદ્દેશ્યને આગળ વધારી રહ્યું છે.
