ગોગો” પેપર અને નશાકારક ચીજોના વેચાણ પર પ્રતિબંધ કેસમાં જિલ્લા કલેક્ટર હવે કાર્યવાહી કરશે

અમદાવાદમાં “ગોગો” પેપર સહિત નશાકારક ચીજોના વેચાણ પર પ્રતિબંધના મામલે હવે નવો વળાંક આવ્યો છે. રાજ્ય સરકારના પરિપત્ર બાદ સ્પષ્ટતા કરવામાં આવી છે કે આ મુદ્દે સીધી કાર્યવાહી રાજ્ય સરકાર નહીં પરંતુ સંબંધિત જિલ્લા કલેક્ટર દ્વારા કરવામાં આવશે. રાજ્ય સરકારે ફરી એકવાર જાહેરનામું બહાર પાડી જિલ્લા કલેક્ટર અને એસપીને વ્યાપક સત્તા આપીને નશાકારક ચીજોના વેચાણ અને સંગ્રહ સામે કડક પગલા લેવા સૂચના આપી છે. છેલ્લા બે મહિનાથી સરકાર દ્વારા આ દિશામાં સઘન કાર્યવાહી ચાલી રહી છે.  આ મુદ્દે હાઈકોર્ટે રાજ્ય સરકારને જવાબ આપવા વધુ સમય આપ્યો છે અને સોમવારે હાઈકોર્ટમાં વધુ સુનાવણી હાથ ધરાશે.