ઓલ ઈન્ડિયા ઈન્ટ્રા સૈનિક સ્કૂલ્સ ગ્રુપ ’જી’ હોકી ટુર્નામેન્ટ 08 મે 2026 ના રોજ સૈનિક સ્કૂલ બાલાચડી ખાતે એક ભવ્ય સમાપન સમારોહ ઉત્સાહભેર પૂર્ણ થયો. જે સ્કૂલ કેમ્પસના રણજી સ્પોર્ટ્સ એરેના ખાતે માર્ચ પાસ્ટ, હોલો સ્ક્વેર ફોર્મેશન, ઈનામ વિતરણ સમારોહનો સમાવેશ થયો હતો.
આ પ્રસંગે મુખ્ય મહેમાન કર્નલ શારિક આઝાદ, કમાન્ડિંગ ઑફિસર, 27 મદ્રાસ રેજિમેન્ટ, જામનગરના હતા. તેઓ સૈનિક સ્કૂલ નગરોટા (જમ્મુ અને કાશ્મીર), નેશનલ ડિફેન્સ એકેડેમી, પુણે અને ઈન્ડિયન મિલિટ્રી એકેડેમી, દેહરાદૂનનાં ભૂતપૂર્વ વિદ્યાર્થી છે.
આ ટુર્નામેન્ટ ત્રણ શ્રેણીઓમાં યોજાઈ હતી – છોકરાઓ અંડર-17, છોકરાઓ અંડર-15 અને છોકરીઓ અંડર-17. આ કાર્યક્રમનું ઉદ્ઘાટન 04 મે 2026 ના રોજ શાળાના કાર્યકારી આચાર્ય, કમાન્ડર હરિરામ પુનિયા દ્વારા કરવામાં આવ્યું હતું. કર્ણાટક, મહારાષ્ટ્ર અને ગુજરાત રાજ્યોની છ સૈનિક શાળાઓએ આયોજિત ટૂર્નામેન્ટ માં ચેમ્પિયનશિપમાં ઉત્સાહપૂર્વક ભાગ લીધો હતો.
બોય્સ અંડર-17 કેટેગરીમાં, સૈનિક સ્કૂલ બીજાપુર ચેમ્પિયન તરીકે ઉભરી આવી, જ્યારે સૈનિક સ્કૂલ સતારા રનર્સ-અપ અને સૈનિક સ્કૂલ ચંદ્રપુર ત્રીજા સ્થાને રહી.
ગર્લ્સ અંડર-17 કેટેગરીમાં, સૈનિક સ્કૂલ બાલાચડીએ ચેમ્પિયનશિપ ટ્રોફી જીતી, ત્યારબાદ સૈનિક સ્કૂલ બીજાપુર રનર્સ-અપ અને સૈનિક સ્કૂલ સતારા ત્રીજા સ્થાને રહી.
બોય્સ અંડર-15 કેટેગરીમાં, નેતાજી સુભાષ ચંદ્ર બોઝ મિલિટ્રી એકેડેમી, સિલવાસાએ વિજય મેળવ્યો, જ્યારે સૈનિક સ્કૂલ બીજાપુરે બીજું સ્થાન મેળવ્યું અને સૈનિક સ્કૂલ ચંદ્રપુર ત્રીજા સ્થાને રહ્યું.
મુખ્ય મહેમાન દ્વારા વિજેતાઓ અને સહભાગીઓને મેડલ, પ્રમાણપત્રો અને ટ્રોફીનું વિતરણ કરવામાં આવ્યું. છાપરડાના બ્રહ્માનંદ વિદ્યા મંદિરના કેડેટ આદર્શ પટેલને ટુર્નામેન્ટનો ખેલાડી એનાયત કરવામાં આવ્યો. ત્રણેય કેટેગરીમાં શ્રેષ્ઠ ફોરવર્ડ, શ્રેષ્ઠ મિડફિલ્ડર, શ્રેષ્ઠ ડિફેન્ડર અને શ્રેષ્ઠ ગોલકીપરને પણ ખાસ મેડલ અને પ્રમાણપત્રો આપવામાં આવ્યા.
સમાપન સમારોહ દરમિયાન સભાને સંબોધતા, મુખ્ય અતિથિએ વિદ્યાર્થીઓના સર્વાંગી વ્યક્તિત્વ વિકાસમાં સૈનિક સ્કૂલ શિક્ષણના મહત્ત્વ પર પ્રકાશ પાડ્યો. તેમણે દેશની રાષ્ટ્રીય રમતમાં યુવા ખેલાડીઓ દ્વારા પ્રદર્શિત ઉત્કૃષ્ટ પ્રદર્શન પર ખુશી વ્યક્ત કરી. વિદ્યાર્થીઓમાં શારીરિક તંદુરસ્તી અને નૈતિક હિંમતની વધતી જતી જરૂરિયાત પર ભાર મૂકતા, તેમણે કેડેટ્સને ઘઘઉઅ સિદ્ધાંતને – અવલોકન કરો, દિશા આપો, નિર્ણય લો અને કાર્ય કરો અને જીવનના ત્રણ મહત્વપૂર્ણ પાસાઓ: સમય, સંસાધનો અને પૈસાનું મૂલ્ય આપો – નું પાલન કરવાની સલાહ આપી.
કમાન્ડર હરિ રામ પુનિયા, કાર્યકારી આચાર્ય, સ્ક્વોડ્રન લેડર રાકેશ તિવારી, વાઈસ પ્રિન્સિપાલ, સ્ટાફ અને કેડેટ્સે આ કાર્યક્રમ જોયો.
સ્કૂલ કેડેટ સ્પોર્ટ્સ કેપ્ટન, કેડેટ આદિત્યએ આભારવિધિ કરી. સૈનિક સ્કૂલ્સ સોસાયટીના નેજા હેઠળ આયોજિત ટુર્નામેન્ટ દરમિયાન ભાગ લેતી ટીમોએ સૈનિક સ્કૂલ બાલાચડીના ઉષ્માભર્યા આતિથ્ય અને સુખદ વાતાવરણની પ્રશંસા કરી.
