દેવભૂમિ દ્વારકાના ખંભાળિયાના ચાર રસ્તામાં તોફાની તત્વોની ગુંડાગીરી સર્જાઈ. આરોપીઓ પાન મસાલાની દુકાનમાં પ્રવેશીને દુકાનદાર પર હુમલો કર્યો. દુકાન માલિકે પૈસાની ઉઘરાણી કરતા તોફાની તત્વો વધુ ઉશ્કેરાયેલા અને દુકાનની અંદર કર્મચારીને બેફામ માર માર્યો. પોલીસ દ્વારા 4 આરોપીઓ વિરુદ્ધ ગુનો નોંધવામાં આવ્યો છે. તોડફોડ કર્યા બાદ તોફાની તત્વોએ હાથ જોડીને માફી માગી.
સુરત: વાહન ચોરી કરતી ટોળકીનો પોલીસે કર્યો પર્દાફાશ
સુરત શહેરમાં વાહન ચોરી કરતી એક ટોળકીનો પોલીસે પર્દાફાશ કર્યો છે. પુણા, સલાબતપુરા, કામરેજ સહિતના વિસ્તારોમાં થયેલી વાહન ચોરીના બનાવોનો ભેદ ઉકેલવામાં પોલીસને સફળતા મળી છે. તપાસમાં ખુલ્યું હતું કે આરોપીઓ હેન્ડલ લોક વિનાના વાહનોને નિશાન બનાવી ચોરી કરતા હતા. પુણા વિસ્તારમાંથી એક સગીર સહિત કુલ ત્રણ આરોપીઓની ધરપકડ કરવામાં આવી છે. આરોપીઓ પાસેથી બાઈક અને મોપેડ સહિત કુલ નવ વાહનો જપ્ત કરવામાં આવ્યા છે. પોલીસે અંદાજે રૂ. 2.80 લાખનો મુદ્દામાલ જપ્ત કરી વધુ કાર્યવાહી હાથ ધરી છે.
અમદાવાદઃ સાણંદના નિર્માણ ગ્રીન બંગલોઝમાં દારૂની મહેફિલ પકડાઈ
અમદાવાદઃ સાણંદના નિર્માણ ગ્રીન બંગલોઝમાં દારૂની મહેફિલ પકડાઈ. લગ્નના 25 વર્ષની ઉજવણી પ્રસંગે પાર્ટીનું આયોજન કરવામાં આવ્યુ હતુ. દારૂ, હુક્કા અને લક્ઝુરીયસ ગાડીઓ જપ્ત કરવામાં આવી. 43 પુરુષ અને 38 મહિલાઓની અટકાયત કરવામાં આવી.
