📰 અમદાવાદમાં હાઈ-પ્રોફાઇલ દારૂ પાર્ટી ઝડપાઈ, છત પરથી 16 લોકોની અટકાયત

📰 અમદાવાદમાં હાઈ-પ્રોફાઇલ દારૂ પાર્ટી ઝડપાઈ, છત પરથી 16 લોકોની અટકાયત

અમદાવાદમાં ઉત્તરાયણના દિવસે શહેરના પોશ વિસ્તારમાં એક હાઈ-પ્રોફાઇલ દારૂ પાર્ટી ઝડપાઈ હોવાની ઘટના સામે આવી છે. શહેરના એક બિલ્ડિંગની છત પર ગેરકાયદેસર રીતે દારૂ અને ડીજે સાથે પાર્ટી ચાલી રહી હોવાની માહિતી મળતા પોલીસ તાત્કાલિક ઘટનાસ્થળે પહોંચી હતી.

પોલીસના દરોડા દરમિયાન છત પર ડીજે સાઉન્ડ, દારૂની બોટલો, હુક્કા સહિતનો સામાન મળી આવ્યો હતો. પાર્ટીમાં મોટી સંખ્યામાં લોકો હાજર હોવાનું સામે આવ્યું, જેમાંથી પોલીસે 16 લોકોની અટકાયત કરી પૂછપરછ શરૂ કરી છે. અન્ય કેટલાક લોકોને પ્રાથમિક તપાસ બાદ છોડી મૂકવામાં આવ્યા હોવાનું જાણવા મળ્યું છે.

પ્રાથમિક તપાસમાં સામે આવ્યું છે કે પાર્ટી સંપૂર્ણપણે ગેરકાયદેસર રીતે યોજાઈ હતી. પોલીસે દારૂ ક્યાંથી લાવવામાં આવ્યો, પાર્ટીનું આયોજન કોણે કર્યું અને તેમાં કોણ-કોણ સામેલ હતું તે બાબતે વધુ તપાસ શરૂ કરી છે. આ ઘટનાએ ફરી એકવાર રાજ્યમાં દારૂબંધી હોવા છતાં ગેરકાયદેસર પ્રવૃત્તિઓ પર સવાલો ઉભા કર્યા છે.