વિરપુર પોલીસ સ્ટેશન વિસ્તારમાં એલ.સી.બી. રાજકોટ ગ્રામ્ય દ્વારા વિદેશી દારૂ સામે મોટી કાર્યવાહી હાથ ધરવામાં આવી છે. વિરપુર ટાઉન વિસ્તારમાં કરવામાં આવેલા દરોડા દરમિયાન અલગ-અલગ બ્રાન્ડની નાની તથા મોટી મળી કુલ 3,804 નંગ વિદેશી દારૂની બોટલો જપ્ત કરવામાં આવી છે. જપ્ત કરાયેલા દારૂની અંદાજિત કિંમત રૂ. 9,00,816/- હોવાનું જાણવા મળ્યું છે.
પ્રાપ્ત માહિતી અનુસાર, વિરપુર ટાઉન વિસ્તારમાં રહેતા અતુલભાઈ દ્વારા પોતાના ભાઈના કબજાભોગમાં આવેલા રહેણાંક મકાન પાસે વિદેશી દારૂનો જથ્થો સંગ્રહિત રાખવામાં આવ્યો હતો. એલ.સી.બી. રાજકોટ ગ્રામ્યની ટીમે બાતમીના આધારે દરોડો પાડતા ત્યાંથી વિદેશી દારૂનો મોટો જથ્થો મળી આવ્યો હતો.
આ કાર્યવાહી બાદ આરોપી વિરુદ્ધ વિરપુર પોલીસ સ્ટેશન ખાતે ગુનો નોંધવાની પ્રક્રિયા હાથ ધરવામાં આવી છે, જ્યારે સમગ્ર મામલે વધુ તપાસ અને કાયદેસર કાર્યવાહી ચાલુ હોવાનું પોલીસ દ્વારા જણાવવામાં આવ્યું છે.
