રાજકોટ ગ્રીનલાઈન ચોકડી પાસે કાર અને ડમ્પર વચ્ચે અકસ્માત, સદનસીબે જાનહાની ટળી

રાજકોટ ગ્રીનલાઈન ચોકડી પાસે કાર અને ડમ્પર વચ્ચે અકસ્માત, સદનસીબે જાનહાની ટળી

📍 રાજકોટ | 2 ફેબ્રુઆરી
રાજકોટ શહેરની ગ્રીનલાઈન ચોકડી નજીક કાર અને ડમ્પર વચ્ચે ગંભીર અકસ્માત સર્જાયો હતો. અકસ્માત એટલો ભયાનક હતો કે આસપાસના લોકો ભયભીત થઈ ગયા, પરંતુ સદનસીબે કોઈ જાનહાની નોંધાઈ નથી. ઘટનાની જાણ થતા સ્થાનિક લોકો ઘટનાસ્થળે દોડી આવ્યા હતા. અકસ્માતને કારણે થોડા સમય માટે ટ્રાફિકમાં અડચણ ઊભી થઈ હતી. પોલીસે ઘટના સ્થળે પહોંચી તપાસ હાથ ધરી છે.

રાજકોટ રેસકોર્સ નજીક જિલ્લા પંચાયત ચોક પાસે યસ બેંકમાં આગ, અફરાતફરીનો માહોલ

📍 રાજકોટ | 3 ફેબ્રુઆરી
રાજકોટ શહેરના રેસકોર્સ વિસ્તાર નજીક આવેલા જિલ્લા પંચાયત ચોક પાસેની યસ બેંકની શાખામાં અચાનક આગ લાગી હોવાની ઘટના સામે આવી છે. આગ લાગતા બેંકમાં અને આસપાસના વિસ્તારમાં અફરાતફરી મચી ગઈ હતી. ફાયર બ્રિગેડની ટીમે તાત્કાલિક સ્થળે પહોંચી આગ પર કાબૂ મેળવ્યો હતો. આગ લાગવાનું કારણ હજુ સ્પષ્ટ નથી, જ્યારે કોઈ જાનહાનીની માહિતી મળેલ નથી.

રાજકોટ : રૈયા ટેલિફોન એક્સચેન્જ પાસે શાકભાજી વેચનારને હાર્ટ એટેક, ઘટનાનો CCTVમાં કેદ દ્રશ્ય

📍 રાજકોટ | 3 ફેબ્રુઆરી
રાજકોટના રૈયા ટેલિફોન એક્સચેન્જ નજીક આવેલી એક સોસાયટીમાં શાકભાજી વેચવા નીકળેલા વ્યક્તિને અચાનક હાર્ટ એટેક આવ્યો હતો. લારી ખેંચતા સમયે અચાનક ઢળી પડતાં આસપાસના લોકો ચોંકી ગયા હતા. સમગ્ર ઘટના નજીક લાગેલા સીસીટીવી કેમેરામાં કેદ થઈ ગઈ છે. વ્યક્તિને તાત્કાલિક સારવાર માટે હોસ્પિટલ ખસેડવામાં આવ્યા હતા. ઘટનાને લઈને વિસ્તારમાં શોકની લાગણી પ્રસરી છે.