હેડલાઇન:
ગાંધીનગરમાં ટાઈફોઈડના કેસમાં વધારો, વધુ 11 દર્દી નોંધાયા
સમાચાર:
ગાંધીનગર જિલ્લામાં ટાઈફોઈડના કેસોમાં વધારો નોંધાઈ રહ્યો છે. તાજા આંકડા મુજબ વધુ 11 નવા કેસ સામે આવતા કુલ કેસોની સંખ્યા 144 પર પહોંચી છે. હાલ ગાંધીનગર સિવિલ હોસ્પિટલમાં 85 દર્દીઓ સારવાર હેઠળ છે, જ્યારે 59 દર્દીઓને સારવાર બાદ રજા આપવામાં આવી છે.
ટાઈફોઈડના ફેલાવાને રોકવા આરોગ્ય વિભાગ દ્વારા સેક્ટર-24, 26, 28 અને આદિવાડા વિસ્તારમાં વ્યાપક સર્વે શરૂ કરવામાં આવ્યો છે. કુલ 85 આરોગ્ય ટીમો દ્વારા ઘરેઘરે જઈ તપાસ, માર્ગદર્શન અને જાગૃતિ ફેલાવવાની કામગીરી ચાલી રહી છે.
આરોગ્ય વિભાગે લોકોને શુદ્ધ અને ઉકાળેલું પાણી પીવા, ખોરાકમાં સ્વચ્છતા રાખવા તેમજ જરૂરી તકેદારી રાખવા અપીલ કરી છે. સાથે જ અસરગ્રસ્ત વિસ્તારોમાં ક્લોરિન ટેબલેટ અને ORS પેકેટનું વિતરણ સતત ચાલુ રાખવામાં આવ્યું છે.
