રાજકોટમાં કુવાડવા પોલીસે ખેરવા ગામ પાસેથી ૧ કરોડ ૭૩ લાખ ૬૦ હજારની રોકડ સાથે મોરબીના ૨ શખ્સોની મોડી રાત્રે અટકાયત કરી છે. મહત્વનું છે કે ગઈકાલે મોરબીમાં પેટા ચૂંટણી યોજાઈ હતી અને તે જ દિવસે આટલી મોટી રકમ મળી છે. ગઈકાલે કરજણમાં જે રીતે રોકડ રકમનો વીડિયો સામે આવ્યો હતો. તેમ મોટી રકમની હેરફેર તો નથી થઈને એ પણ એક મોટો સવાલ છે. સમગ્ર મામલે ઈક્ધમટેક્સ વિભાગે પૂછપરછ કરતાં આ પૈસા ક્યાંથી આવ્યા છે તેનો કોઈ પુરાવો મળ્યો ન હતો.
ઘટનાની વિગત અનુસાર કુવાડવા પોલીસપેટ્રોલિંગમાં હતી તે દરમિયાન જીજે ૦૧ કે એક્સ ૨૮૦૮ નંબરની કારની તપાસ કરતા કારમાંથી પોણા ૨ કરોડની રોકડ મળી આવી હતી. જેથી પોલીસે મોરબીના જયદિપ બદરકિયા અને નિલેશ ઉટવાડીયાના અટકાયત કરી આઈટી વિભાગને જાણ કરી હતી. જેથી આઈટી વિભાગે પૂછપરછ કરતા યાર્ડમાં પેઢી હોવાનું અને રૂપિયા બેંકમાંથી ઉપાડ્યાં હોવાનું રટણ કર્યું હતું. પરંતુ તેનો કોઈ નક્કર આધાર મળ્યો ન હતો. મોરબીમાં રહેતા અને ધ્રોલ માર્કેટિંગ યાર્ડમાં પેઢી ધરાવતા જયદિપ બદ્રકિયા અને નિલેશ ઉટવડીયા આ બંને વેપારીઓની વિંગની ટીમ દ્વારા પૂછપરછ હાથ ધરવામાં આવી હતી.
જોકે આ બન્ને વેપારીઓએ જણાવ્યું હતું કે ખેડૂતોને રૂપિયા ચૂકવવા માટે લઈ જવાતા હતાં. પરંતુ આ અંગે ઈક્ધમટેક્સ વિભાગને પણ શંકા ઉપર જતાં તેને હિસાબ માગ્યા છે. જેની તપાસ હાથ ધરવામાં આવી છે. પોલીસે બંને શખ્સ પાસેથી રોકડા રૂપિયા ૧ લાખ ૭૩ હજાર ૬૦ હજાર અને કાળ રંગની કાર સહિત કુલ ૧ લાખ ૯૩ હજાર ૬૦ હજારનો મુદ્દામાલ જપ્ત કર્યો છે. અધિકારીના જણાવ્યા મુજબ, હાલમાં આ બંને વેપારીઓના સ્ટેટમેન્ટ લેવાઈ રહૃાાં છે.