અનંત અંબાણી અને રાધિકા મર્ચન્ટના લગ્ન પહેલા ગરબા નાઈટનું આયોજન કરવામાં આવ્યું હતું. જેનું આયોજન અનંત અંબાણીના દાદી કોકિલાબેને કર્યું હતું. ફિલ્મ સ્ટાર્સે પણ તેમાં ભાગ લીધો હતો અને હવે તેની ઝલક સામે આવી છે.
![અનંત-રાધિકાની બિગ ગરબા નાઇટ! પૌત્ર માટે દાદી કોકિલાબેન અંબાણીએ કર્યુ જોરદાર આલીશાન આયોજન... ગરબા](https://saurashtrakranti.com/wp-content/plugins/gumlet/assets/images/pixel.png)
ઉદ્યોગપતિ મુકેશ અંબાણી અને નીતા અંબાણીના નાના પુત્ર અનંત અંબાણીના લગ્નને હવે માત્ર એક સપ્તાહ બાકી છે. ટૂંક સમયમાં રાધિકા મર્ચન્ટ અને અનંત અંબાણી એકબીજાના બની જશે. લગ્ન પહેલા જરૂરી વિધિઓ શરૂ થઈ ગઈ છે. જે અંબાણીના નિવાસસ્થાન એન્ટિલિયા ખાતે જ આયોજિત કરવામાં આવી રહ્યા છે. પરિવારના સભ્યો, સંબંધીઓ અને ખાસ મિત્રો આ કાર્યક્રમમાં હાજરી આપી રહ્યા છે. આગલા દિવસે મામેરુ ફંક્શન બાદ જ ગરબા નાઈટનું આયોજન કરવામાં આવ્યું છે. 4 જુલાઈના રોજ, અનંત અંબાણીના દાદી કોકિલાબેન અંબાણીએ તેમના પૌત્ર અનંત અંબાણી અને તેમની મંગેતર રાધિકા મર્ચન્ટ માટે ગરબા નાઈટનું આયોજન કર્યું હતું.
![અનંત-રાધિકાની બિગ ગરબા નાઇટ! પૌત્ર માટે દાદી કોકિલાબેન અંબાણીએ કર્યુ જોરદાર આલીશાન આયોજન... ગરબા](https://saurashtrakranti.com/wp-content/plugins/gumlet/assets/images/pixel.png)
આ કાર્યક્રમમાં પરિવારજનો અને મિત્રોએ હાજરી આપી હતી. ગરબા નાઇટમાં શિખર પહરિયા, વીર પહરિયા, ભૂતપૂર્વ મિસ વર્લ્ડ માનુષી છિલ્લર પણ હાજર રહ્યા હતા. ગરબા નાઈટના રાધિકા અને અનંતના ફોટો પણ સામે આવ્યા છે. ફોટામાં રાધિકા ગુજરાતી ડ્રેસ અપમાં ખૂબ જ સારી લાગી રહી છે. દુલ્હન બનવા જઈ રહેલી રાધિકા મર્ચન્ટે ગરબા નાઈટમાં જાંબલી રંગની ચણિયાચોળી પહેરી હતી. સોશિયલ મીડિયા પર સામે આવેલા ફોટોમાં જોઈ શકાય છે કે રાધિકાએ ભારે ભરતકામ વાળી જાંબલી રંગની ચણિયાચોળી પહેરી છે.
![અનંત-રાધિકાની બિગ ગરબા નાઇટ! પૌત્ર માટે દાદી કોકિલાબેન અંબાણીએ કર્યુ જોરદાર આલીશાન આયોજન... ગરબા](https://saurashtrakranti.com/wp-content/plugins/gumlet/assets/images/pixel.png)
દુપટ્ટામાં સિલ્વર સિક્વિન્સ અને પર્લ ડિટેલિંગ સાથે ભારે ભરતકામ છે. આ સાથે તેણે એક વધારાનો હેવી એમ્બ્રોઇડરી કરેલો દુપટ્ટો પણ પહેર્યો છે. રાધિકાએ તેના વાળ પાછળ બાંધ્યા હતા અને આ આઉટફિટ સાથે ભારે ચોકર, કડા અને ટૉપ્સ પહેર્યા હતા. અનંતનો જે ફોટો સામે આવ્યો છે, તેમાં તેણે ગુલાબી રંગનો કુર્તો અને મેચિંગ ડિઝાઈનર જેકેટ પહેર્યું હતું જેમાં ગોલ્ડન અને સિલ્વર સિક્વિન્સ અને જરદોશી એમ્બ્રોઈડરી હતી. કોકિલાબેન અંબાણીએ ઓરેન્જ હાફ સ્લીવ્સ બ્લાઉઝ સાથે ગુલાબી ડિઝાઇનર સાડી અને તેની સાથે ગ્રીન નેકલેસ પહેર્યો છે.
![અનંત-રાધિકાની બિગ ગરબા નાઇટ! પૌત્ર માટે દાદી કોકિલાબેન અંબાણીએ કર્યુ જોરદાર આલીશાન આયોજન... ગરબા](https://saurashtrakranti.com/wp-content/plugins/gumlet/assets/images/pixel.png)
લગ્નને હવે ગણતરીના દિવસો જ બાકી
સમૂહ લગ્ન સમારોહ પૂર્ણ થયા બાદ અંબાણી પરિવારમાં લગ્નની વિધિઓ શરૂ થઈ ગઈ છે. બુધવારે ‘મામેરુ’ સેરેમનીનું આયોજન કરવામાં આવ્યું હતું અને બીજા દિવસે ગુરુવારે ગરબા નાઇટનું આયોજન કરવામાં આવ્યું હતું. આ દરમિયાન દરેક વ્યક્તિ થીમ પ્રમાણે પોશાક પહેરેલા જોવા મળ્યા હતા. બધાએ ગુજરાતી સ્ટાઈલના ચણિયાચોળી અને કુર્તા-પાયજામા પહેર્યા હતા. હવે આ ફંક્શનની એકથી વધુ તસવીરો વાયરલ થઈ રહી છે. બસ, હવે અનંત અંબાણી અને રાધિકા મર્ચન્ટના લગ્ન બહુ દૂર નથી, 12 જુલાઈના રોજ બંને સાત ફેરા લેશે અને લગ્ન કર્યા બાદ તેઓ પતિ-પત્ની બની જશે.
Visit Saurashtra Kranti E-paper here