ઉતરપ્રદેશમાં બુંદેલખંડ પ્રદેશની ગૌરવગાથા તરીકે ગણાવવામાં આવેલો અને જેનું લોકાર્પણ થયું હતું એવો અંદાજે રૂ.15 હજાર કરોડના ખર્ચે બનેલો યુપી અને બુંદેલખંડની શોભા સમાન એક્સપ્રેસ હાઈ-વે લોકાર્પણના પાંચ દિવસ બાદ જ પહેલા વરસાદની થપાટમાં મસ્ત મોટા ખાડાઓ પડી ગયા હતા.હજુ પાંચ દિવસ પહેલા જ વડાપ્રધાન નરેન્દ્ર મોદીના હસ્તે જ 696 કિમી લાંબા બુંદેલખંડ એક્સપ્રેસ હાઈ-વેનું લોકાર્પણ થયું હતું. પરંતુ પહેલા જ વરસાદમાં આ હાઈ-વે તૂટી- ફૂટી ગયો છે, પાંચ સ્થળે મહાકાય ખાડા પડી જતા રૂ.14800 કરોડના ખર્ચે બનેલો હાઈ-વે ગણતરીનાં કલાકોમાં વરસાદની સામે હાંફી જતા રસ્તાના અત્યંત નબળા કામ સામે અનેક સવાલો ઉભા થઇ રહ્યા છે. હજારો કરોડના ખર્ચે ચિત્રકૂટથી ઇટાવા સુધીનો 296 કિમી હાઈ-વે બુંદેલખંડની કિસ્મત ફેરવી નાખશે એવો જોરશોરથી પ્રચાર થયો હતો.
Visit Saurashtra Kranti Homepage here
જાણવા મળ્યા મુજબ આ હાઈ-વે પર છીરીયા સલેમપુર નજીક મહાકાય ખાડો પડી ગયો છે. જેમાં રાત્રે બે કાર અને બાઈક ખાડામાં પડી જતા અકસ્માત સર્જાયા હતા અને સંખ્યાબંધ લોકોને ઈજા થઇ હતી. ઓરૈયા જિલ્લામાં બનેલો આ હાઈ-વે પર અજીતમલ વિસ્તારમાં પણ મોટા ખાડા પડી ગયા છે. અનેક સ્થળે બે થી પાંચ ફૂટ સુધીના ખાડા પડી જતા હજારો કરોડ પાણીમાં વહી ગયાનું સ્પષ્ટ બન્યું છે અને હાઈ-વેની કામગીરી સામે ગંભીર પ્રશ્ર્નાર્થ ઉભા થયા છે.
Read About Weather here
હાઈ-વેનું નિર્માણ રાજસ્થાનની એક જાણીતી ગાવર કંપનીએ કર્યું હતું. હાઈ-વે બનાવવામાં ખૂબ જ ખ્યાતનામ ગણાતી કંપનીએ કામ કર્યું હોવા છતાં હાઈ-વે પહેલા જ વરસાદમાં ફસકી જતા ભારે ચર્ચા ઉભી થઇ છે અને કંપનીની કામગીરી સામે ગંભીર પ્રકારના સવાલો ઉભા થયા છે. સ્થાનિક તંત્રમાં તો રીતસર ખળભળાટ મચી ગયો છે. હવે આ કંપની સામે કોઈ કડક કાર્યવાહી કરવામાં આવે છે કે કેમ એ જોવાનું રહે છે. આવી જ ખરાબ દશા જંગી ખર્ચે નિર્માણ પામેલા મેરઠ એક્સપ્રેસ હાઈ-વેની થઇ ગઈ હોવાનું જાણવા મળ્યું છે. થોડાક વરસાદમાં જ મેરઠ હાઈ-વે પર જળબંબાકાર થયો છે અને મોટા ખાડા પડી ગયા છે. એટલે હાઈ-વે રસ્તો મટીને તળાવ જેવો થઇ ગયો છે.(2.12)
Visit Saurashtra Kranti Homepage here
Read National News : Click Here
Visit Saurashtra Kranti Homepage here
Visit Saurashtra Kranti Homepage here