પ્રાપ્ત વિગતો મુજબ પડધરીનાં મેમણવાસમાં રહેતો મજુરીકામ કરતો કલા જેન્તી સોલંકી (ઉ.વ.૨૨) એ તેના કાકાનાં દીકરા કનુ સોલંકી સાથે જામનગર હાઈ-વે પર વેરાઈ હોટલ પાસે ચા પીવા માટે ગયો હતો. ત્યારે સંજય ઠાકર સોલંકીએ ઘસી આવી આજે તને પતાવી દેવો છે. કહીં દેવીપૂજક યુવાનનાં પડખામાં છરીનાં ત્રણ ઘા ઝીંકી નાસી છૂટ્યો હતો. ઈજાગ્રસ્ત યુવકને તેના કાકાહના દીકરા જીતેશે બાઈકમાં બેસાડી સારવાર અર્થે સિવિલ હોસ્પિટલમાં ખસેડાયો હતો. બનાવ અંગેની જાણ થતા પી.એસ.આઈ એ.એ.ખોખરે રાજકોટ સિવિલ હોસ્પિટલ દોડી જઈ કલા સોલંકીની ફરિયાદ પરથી સંજય સોલંકી (રહે. મોવીયાના ઢોરે, પડધરી) સામે આઈ.પી.સી ૩૨૬, ૫૦૪, ૫૦૬(૨) મુજબ ગુનો નોંધ્યો છે.
