સ્ટેચ્યુ ઓફ યુનિટી પાસે ટ્વિન એડવેન્ચર પાર્ક બનાવવા માટેની અરજી કરી દેવાઈ છે. આ પ્રોજેક્ટ ફરીથી શરૂ કરી દેવાયો છે જેમાં પરમિશન મળતાની સાથે જ ૧૦૦ એકરમાં અહીં સિંહ અને વાઘની ઓપન સફારી એડવેન્ચર કરવાનો લ્હાવો લોકોને મળશે. ગુજરાત સરકારની ‘ટ્વીન-એડવેન્ચર’ સફારીની દરખાસ્ત હવે મંજૂરી માટે સેન્ટ્રલ ઝૂ ઓથોરિટી ઓફ ઈન્ડિયા (CZAI) પાસે પહોંચી ગઈ છે. આમાં સિંહ અને વાઘ બંને વાઈલ્ડ કેટ્સને રાખીને વિઝિટર્સને તેમને જોવાનો અનેરો આનંદ આપવા માટેનું પાર્ક બનાવવાનું પ્લાનિંગ હતું. વરિષ્ઠ અધિકારીઓએ જણાવ્યું હતું કે આ યોજનામાં સ્ટેચ્યુ ઓફ યુનિટી પાસે સિંહ અને વાઘ માટે બે અલગ-અલગ છતાં જોડાયેલા સફારી પાર્ક બનાવવાનો પ્લાનિંગ કરાયો છે, જે મુલાકાતીઓને એક જ ટ્રિપમાં ૨ વાઈલ્ડ કેટ્સને જોવાનો લાહવો આપશે. તેમ ટાઇમ્સ ઓફ ઇન્ડિયાનો અહેવાલ જણાવે છે.
એકવાર CZAI તેની મંજૂરી આપે, પછી સક્કરબાગ -ાણી સંગ્રહાલયમાંથી સિંહો અને દેશના અન્ય પ્રાણી સંગ્રહાલયમાંથી વાઘને અહીં લાવવામાં આવશે. આ સફારી પાર્કમાં આઠ સિંહ અને આઠ વાઘ રહેશે. જેમાં દરેક -જાતિના બે નર, બે માદા અને ચાર બચ્ચાનો એક પરિવાર અહીં મુકાશે. હવે અહીં -ાણીઓ જોવા માટે આવેલા પ્રવાસીઓ કાં તો બસ અથવા ખુલ્લી જીપની સવારીની મજા લઈ શકશે એવી પ્રાથમિક માહિતી મળી રહી છે.
વરિષ્ઠ વન અધિકારીઓએ વધુમાં જણાવ્યું હતું કે બે સફારી સ્ટેચ્યુ ઓફ યુનિટીથી કેવડિયામાં મુખ્ય નહેર તરફ ૬ કિમી દૂર સ્થિત ૧૦૦-હેક્ટર વિસ્તારને આવરી લેવા માટે ડિઝાઇન કરવામાં આવી છે. વાઘ અને સિંહની સફારી હાલની જંગલ સફારીનો ભાગ બનવાનો છે. આ સફારી ઝોનને દેવલિયા સફારી પાર્કની તર્જ પર ડિઝાઇન કરવામાં આવશે અને તેમાં ZSL લંડન ઝૂમાં જોવા મળતા પ્રદર્શનો જેવા જ પ્રદર્શન હશે. એટલું જ નહીં આ સિંહ સફારીનો ઉદ્દેશ્ય એ બતાવવાનો પણ છે કે જંગલનો રાજા ગીરમાં મનુષ્યો સાથે કેવી રીતે સહઅસ્તિત્વ ધરાવે છે.
ફોરેસ્ટ ડિપાર્ટમેન્ટના સૂત્રોએ જણાવ્યું હતું કે હાલમાં સફારી પર કામ પૂરજોશમાં ચાલી રહ્યું છે. જંગલ સફારી માટે ટોપોગ્રાફી સારી છે અને આ વિસ્તારમાં સારી સંખ્યામાં વળક્ષો છે. CZAI પરવાનગી માટે થોડો સમય લાગશે. પરંતુ અહીં પૂર્વ કામગીરી રૂપે માર્ગો એવી રીતે ડિઝાઇન કરવામાં આવી રહ્યા છે કે પ્રવાસીઓને પ્રાણીઓને જોવાની વધુ તક મળે. તે તેમના માટે વાઇલ્ડલાઇફ સફારીનો સારો અનુભવ પણ હશે. સ્ટેચ્યુ ઓફ યુનિટી (SOU)ની મુલાકાત લેનારાઓ આ સફારીની મજા માણવા માંગશે.
૨૦૧૮મા અધિકારીઓએ કેવડિયા નજીક એક ઓપન સફારી શરૂ કરવાનું વિચાર્યું પરંતુ જંગલ સફારી કાર્યરત થયા પછી ચાર વર્ષ પછી તેને સ્થગિત કરવાનું નક્કી કર્યું હતું. વન વિભાગ વાઘ માટે ઓપન સફારીને ડાંગના ઝંખના અને જોબરી ગામોમાં ૨૯ હેક્ટરમાં શિફ્ટ કરવા માગે છે જે શરૂઆતમાં ચિત્તા સફારી માટે નક્કી કરવામાં આવી હતી. આ પ્રોજેક્ટ પાછળથી ૨૦૨૩માં ફરીથી શરૂ થયો હતો અને હવે CZAIની મંજૂરીની રાહ જોવામાં આવી રહી છે.