અત્યારની જીવનશૈલીમાં લોકોનું વજન ઝડપથી વધી રહ્યું છે. જો તમે પણ તમારા વધતા વજનને કંટ્રોલ કરવા માગો છો તો તમારી ડાયટમાં સામેલ કરો દૂધી. દૂધીનું સેવન કરવાથી ઝડપથી તમે વજન ઘટાડી શકો છો.
દૂઘી સ્વાસ્થ્ય માટે ફાયદાકારક છે. તેનું સેવન કરવાથી તમે તમારું વજન કંટ્રોલ કરી શકો છો. હકીકતમાં ફાઈબરના ગુણોથી ભરપૂર દૂધીમાં કેલરી ઓછી હોય છે અને પાણી વધારે હોય છે. આ ગુણ વજન ઘટાડવામાં તમારી મદદ કરી શકે છે. જો તમારું વજન ઝડપથી વધી રહ્યું હોય તો દૂધીને તમારી ડાયટમાં સામેલ કરો. સાથે તેમાં વિટામિન સી, બી અને કેની સાથે કેલ્શિયમ, મેગ્નેશિયમ, આયર્ન અને ઝિંક જેવા મિનરલ્સ પણ હોય છે જે સ્વાસ્થ્ય માટે લાભકારી હોય છે. બાબા રામદેવ પણ વજનને કંટ્રોલમાં રાખવા માટે દૂધી ખાવાની સલાહ આપે છે. જાણો વજન ઓછું કરવા માટે દૂધીનું સેવન કેવી રીતે કરવું.
વજન ઓછું કરવા માટે આ રીતે કરો દૂધીનું સેવન
દૂધીનો જ્યુસ પીવો
જો તમે ઝડપથી તમારું વજન ઓછું કરવા માગતા હોય તો તમારી ડાયટમાં દૂધીનો જ્યુસ સામેલ કરો. સવારે ખાલી પેટે દૂધીનો જ્યુસ પીવો. તે તમને વજન ઘટાડવામાં મદદ કરશે.
સલાડ બનાવવું
વજન ઘટાડવા માટે ડાયટમાં દૂધીનું સલાડ સામેલ કરો. લંચ કરતા સમયે દૂધીનું સલાડ ખાવું. દૂધીને છીણીને તેમાં દહી, શેકેલું જીરુ અને કોથમીર નાખીને હેલ્ધી અને પ્રોટીનથી ભરપૂર સલાડ બનાવવું.
સૂપ બનાવવો
સાંજના નાસ્તામાં દૂધીનો સૂપ સામેલ કરી શકો છો. તે હેલ્ધીની સાથે પૌષ્ટીક પણ છે. દૂધીના સૂપમાં ટામેટા અને દાળ મિક્સ કરીને વધારે પૌષ્ટિક બનાવી શકો છો.
પુડલા બનાવીને ખાવા
પુડલા સ્વાસ્થ્ય માટે ફાયદાકારક હોય છે. તમે તમારા ડિનરમાં દૂધીના પુડલાનું સેવન કરી શકો છો. દૂધીને ઝીણી સમારીને તેમાં શેકેલુ જીરું, મીઠું, હળદર, મસાલો અને બેસન મિક્સ કરીને તેના પુડલા બનાવી શકો છો.
દૂધી ખાવાના અન્ય લાભ
દૂધી ખાવાથી તમને ઘણી બીમારીઓથી રાહત મળે છે. દૂધીમાં રહેલ ફાઈબર કબજિયાતની સમસ્યાને દૂર કરે છે. દૂધીમાં રહેલ ડાઈટરી ફાઈબર અને હેલ્ધી ફેટ્સ કોલેસ્ટેરોલને પણ ઘટાડે છે. તેનું સેવન કરવાથી બ્લડ સુગર કંટ્રોલમાં રહે છે.
Visit Saurashtra Kranti E-paper here