BU સર્ટી.ની પ્રક્રિયા લેન્ધી હોય રાજયભરના શાળા સંચાલકો ચિંતિંત થયા છે.રાજકોટ સહિત રાજયભરની 1000 શાળાઓના ફાયર સેફટી અને બીયુસી સર્ટીફીકેટના મામલે સીલ : પ્રિ-સ્કુલોમાં પણ નિયમ મુજબની વ્યવસ્થા જરૂરી-મ્યુનિ. કમિશ્નર
રાજયભરની પ્રાથમિક-માધ્યમિક શાળાઓના નવા શૈક્ષણિક સત્રનો આગામી તા. 13ને ગુરૂવારથી પ્રારંભ થઇ રહ્યો છે. આ સંજોગોમાં બીયુસી સર્ટી. અને ફાયર એનઓસીના મામલે રાજકોટ સહિત રાજયભરની 1000 જેટલી ખાનગી શાળાઓને સીલ મારવામાં આવેલ છે. આ શૈક્ષણિક સંસ્થાઓમાં નવા શૈક્ષણિક સત્રનો પ્રારંભ થઇ શકશે કે કેમ તે મામલે શૈક્ષણિક સંસ્થાના સંચાલકો અવઢવમાં મુકાઇ ગયા છે. જોકે આ અંગે તંત્ર દ્વારા રાજય સરકારનું માર્ગદર્શન માંગવામાં આવેલ છે. આ દરમ્યાન પ્રિ-સ્કુલોમાં પણ નિયમ મુજબની વ્યવસ્થા હોવી જરૂરી છે તેમ કમિશ્નર દેવાંગ દેસાઇએ જણાવ્યું હતું.
રાજકોટના ટીઆરપી ગેમ ઝોન અગ્નિકાંડમાં ર7 જેટલી વ્યકિતઓના મોત થતા ગુજરાત સહિત દેશભરમાં હાહાકાર મચી જવા પામેલ હતો. આ અગ્નિકાંડ બાદ રાજકોટ સહિત રાજયભરમાં મહાનગરપાલિકાઓ દ્વારા ફાયર એનઓસી અને બીયુ સર્ટીફીકેટના મામલે ખાસ અભિયાન છેડવામાં આવેલ છે. જેમાં શાળા-કોલેજો, કોમ્પ્લેક્ષોને ધડાધડ સીલ મારવામાં આવી રહ્યા છે.
રાજકોટની 100 તેમજ રાજયભરની 1000 જેટલી શાળાઓને આ સીલ મારવામાં આવેલ હોય, શાળા સંચાલકો ભારે ચિંતિત બનેલ છે. ત્યારે નવા શૈક્ષણિક સત્રથી આ શાળાઓ શરૂ થઇ શકશે કે કેમ તેના પર હાલ પ્રશ્ર્નાર્થ મુકાઇ ગયો છે. જોકે આ મામલે રાજય સરકારને રજુઆતો કરવામાં આવી છે.
Visit Saurashtra Kranti E-paper here