એકવાર કાર્યરત થયા બાદ રાજ્યની વીજ જરૂરિયાતોનો મોટો હિસ્સો સંતોષાશે
દેશના સૌથી મોટા પુન: પ્રાપ્ય ઉર્જા એકમોમાંના એક તરીકે કેન્દ્ર સરકારે ગુજરાતના દરિયાકાંઠે ઓફશોર પવન ઉર્જા ઉત્પાદન માટે સૈદ્ધાંતિક મંજૂરી આપી છે.
20,000 મેગાવોટ અથવા 2 ગીગાવોટ પવન ઉર્જાનું ઉત્પાદન કરવાની પરિકલ્પના આ પ્રોજેકટમાં કરવામાં આવી છે. જેમાં ઓફશોર પવનચક્કી સ્થાપવામાં અંદાજે રૂ. 16,000 કરોડના રોકાણ અને ઓનશોર ટ્રાન્સમિશન ઇન્ફ્રાસ્ટ્રક્ચરની સ્થાપનામાં રૂ.20,000 કરોડથી રૂ. 24,000 કરોડના વધારાના રોકાણની કલ્પના કરવામાં આવી છે.
Visit Saurashtra Kranti Homepage here
સૂચિત પ્રોજેકટ હેઠળ ઉત્પાદિત તમામ પાવર રાજ્ય સરકાર દ્વારા ખરીદવામાં આવશે. સૂત્રો મુજબ કેન્દ્રીય રિન્યુએબલ એનર્જી મંત્રાલય ગુજરાતના દરિયાકાંઠે ઓફશોર વિન્ડ પાવર જનરેશન ઈન્ફ્રાસ્ટ્રક્ચર સ્થાપવા માટે બિડ આમંત્રિત કરશે. રાજ્ય સરકાર ટ્રાન્સમિશન નેટવર્ક સહિત દરિયાકાંઠે જરૂરી ઈન્ફ્રાસ્ટ્રક્ચર સ્થાપવા માટે કેન્દ્ર સાથે ભાગીદારી કરશે.
આ પ્રોજેકટઅંતર્ગત કાર્યરત સરકારી અધિકારીએ જણાવ્યું હતું કે, રાજ્ય સરકાર જનરેટર્સ સાથે પાવર પરચેઝ એગ્રીમેન્ટ પર હસ્તાક્ષર કરશે અને તેમના દ્વારા ઉત્પાદિત તમામ પાવર ખરીદશે.આ પ્રોજેકટ રાજ્યની ઉર્જાની જરૂરિયાતોને પહોંચી વળવામાં ઘણો આગળ વધશે.તો રાજ્ય સરકારના અન્ય સૂત્રોએ જણાવ્યું હતું કે કેન્દ્ર સરકાર નવીનીકરણીય ઉર્જા ઉત્પાદનને પ્રોત્સાહન આપવા માટે પહેલેથી જ જાહેર કરાયેલી યોજનાઓ હેઠળ ઇન્ફ્રાસ્ટ્રક્ચર સ્થાપવા માટે ભંડોળની જરૂર હોય તેવી સંસ્થાઓને Viability Gap Funding પણ આપશે.રાજ્ય સરકાર દ્વારા પવન ઉર્જા ઉત્પાદન પર તૈયાર કરાયેલ અહેવાલ જણાવે છે કે રાજ્યનો 1,600 કિ.મી.નો દરિયાકિનારો 32 GWઅને 35 GW ની વચ્ચે ઓફશોર પવન ઉર્જા ઉત્પાદનની સંભાવના પ્રદાન કરે છે.
Read About Weather here
રાજ્યમાં વર્તમાન પવન ઉર્જાનું ઉત્પાદન 9,860.6MW છે.રાજ્ય સરકારે દરિયા કિનારે પાંચ વિસ્તારો ઓળખી કાઢ્યા છે જે ઓફશોર વિન્ડ પાવર ઉત્પાદન માટે યોગ્ય છે.આ પ્રદેશોનો સંયુક્ત ક્ષેત્રફળ 8,159 કિમી છે અને દરિયાકાંઠે આવેલા આ પાંચ પ્રદેશોમાં 37.2GW વીજળી ઉત્પન્ન કરી શકાય છે.આ પ્રદેશો સૌરાષ્ટ્ર, દક્ષિણ ગુજરાત અને ખંભાતના અખાતના દરિયાકાંઠાના વિસ્તારોમાં આવેલા છે.સૂત્રોએ જણાવ્યું હતું કે એકવાર કાર્યરત થયા બાદ રાજ્યની વીજ જરૂરિયાતોનો મોટો હિસ્સો સંતોષવામાં આવશે.
Visit Saurashtra Kranti Homepage here
Read National News : Click Here
Visit Saurashtra Kranti Homepage here
Visit Saurashtra Kranti Homepage here