અનંત અંબાણી અને રાધિકા મર્ચન્ટના લગ્નની ઉજવણી ૧૨ થી ૧૪ જુલાઈ સુધી ચાલશે. આ લગ્નમાં બોલિવૂડ સ્ટાર્સ ઉપરાંત સ્પોર્ટ્સ અને બિઝનેસ જગતના મોટા નામો પણ હાજરી આપશે. માહિતી અનુસાર, આ લગ્નમાં ઘણા ઇન્ટરનેશનલ આર્ટીસ્ટ પરફોર્મ કરવાના છે. અંબાણીની મેનેજમેન્ટ ટીમ આ કલાકારો સાથે વાતચીત કરી રહી છે.
ઉદ્યોગપતિ મુકેશ અંબાણી અને નીતા અંબાણીના નાના પુત્ર અનંત અંબાણીના લગ્નની ચર્ચા ગયા વર્ષથી ચાલી રહી છે. અનંત અને તેની ભાવિ પત્ની રાધિકા મર્ચન્ટનું પ્રી-વેડિંગ સેલિબ્રેશન આ વર્ષે માર્ચની શરૂઆતમાં થયું હતું. આ પછી, જૂનમાં બીજું પ્રી-વેડિંગ સેલિબ્રેશન થયું, જેમાં બોલિવૂડથી લઈને હોલીવુડ સુધીના સ્ટાર્સે ભાગ લીધો. હવે ૧૨ જુલાઈએ અનંત અંબાણી અને રાધિકા મર્ચન્ટ કાયમ માટે એક થવા જઈ રહ્યા છે.
અનંત અંબાણી અને રાધિકા મર્ચન્ટ ૧૨મી જુલાઈ ૨૦૨૪ના રોજ મુંબઈમાં લગ્ન કરવા જઈ રહ્યા છે. દીકરાના લગ્ન પહેલા, મુકેશ અને નીતા અંબાણીએ ૨ જુલાઈના રોજ નવી મુંબઈમાં ૫૦ જરૂરિયાતમંદ યુગલોના લગ્નનું આયોજન કર્યું હતું. આ દરમિયાન લગ્ન સાથે જોડાયેલી મોટી માહિતી પણ સામે આવી છે. માહિતી અનુસાર, પ્રખ્યાત રેપર અને ગાયક ડ્રેક અનંત અને રાધિકાના લગ્નમાં પરફોર્મ કરવા જઈ રહ્યા છે. ઇન્ટરનેશનલ આર્ટીસ્ટ ડ્રેક જલ્દી ભારત આવશે.
માહિતી અનુસાર, ડ્રેક સિવાય અંબાણી પરિવારની મેનેજમેન્ટ ટીમ અન્ય ઇન્ટરનેશનલ કલાકારો સાથે વાતચીત કરી રહી છે. મળતી માહિતી મુજબ અનંત અને રાધિકાના લગ્નમાં અમેરિકન સિંગર લાના ડેલ રે અને બ્રિટિશ પોપ સિંગર એડેલ પણ પરફોર્મ કરી શકે છે. રાધિકા મર્ચન્ટ લાના ડેલ રેની મોટી ફેન છે. હાલમાં મેનેજમેન્ટ ટીમ આ કલાકારો સાથે વાતચીતમાં લાગેલી છે. લગ્નની ઉજવણીમાં તેને આમંત્રણ આપવા માટે તારીખ અને પૈસાની લેવડદેવડ નક્કી કરવા માટે વાતચીત ચાલી રહી છે.
અનંત અંબાણી અને રાધિકા મર્ચન્ટના લગ્નની ઉજવણી ૧૨ થી ૧૪ જુલાઈ સુધી ચાલશે. આ લગ્નમાં બોલિવૂડ સ્ટાર્સ ઉપરાંત સ્પોર્ટ્સ અને બિઝનેસ જગતના મોટા નામો પણ હાજરી આપશે. આ ભવ્ય લગ્નનું કાર્ડ સોશિયલ મીડિયા પર પહેલાથી જ વાયરલ થઈ ગયું છે. હોલીવુડની ગાયિકા રિહાના, ધ બેકસ્ટ્રીટ બોયઝ, પિટબુલ અને ઇટાલિયન ઓપેરા સિંગર એન્ડ્રીયા બોસેલીએ અનંત અને રાધિકાના પ્રી-વેડિંગ સેલિબ્રેશનમાં પરફોર્મ કર્યું હતું. આ કપલની પ્રી-વેડિંગ સેલિબ્રેશનની તસવીરો સોશિયલ મીડિયા પર અઠવાડિયાઓ સુધી છવાયેલી રહી હતી.
અનંત અંબાણી અને રાધિકા મર્ચન્ટ મુંબઈના Jio વર્લ્ડ સેન્ટરમાં લગ્નના બંધનમાં બંધાશે. બંનેના ભવ્ય લગ્ન ૧૨ જુલાઈના રોજ થશે. આ પછી ૧૩ જુલાઈના રોજ બંનેનો શુભ આશીર્વાદ સમારોહ થશે. ૧૪મી જુલાઈના રોજ ભવ્ય લગ્ન રિસેપ્શનનું આયોજન કરવામાં આવ્યું છે, જેમાં વિશ્વભરના VIP અને VVIP મહેમાનો હાજરી આપશે.
Visit Saurashtra Kranti E-paper here