છેલ્લા ઘણા વર્ષોથી ઈદના વીકમાં મોટા ફિલ્મ મેકર્સ અને સ્ટાર્સની ફિલ્મો રિલીઝ થતી રહી છે, જે બોકસ ઓફિસ પર સારી કમાણી કરતી રહી છે. આ વર્ષે પણ બે મોટી ફિલ્મો રિલીઝ થયેલી, અજય દેવગનની ‘મેદાન’ અને અક્ષર-ટાઈગર સ્ટારર ‘બડે મિયા છોટે મિયા’ જો કે આ ફિલ્મે દર્શકોને નિરાશ કર્યા હતા. મેદાનને તો દર્શકોએ પહેલા દિવસે જ નકારી દીધી હતી. જયારે ‘છોટે મિયા બડે મિયા’ એ પ્રારંભીક ત્રણ દિવસોમાં ઠીક ઠીક કમાણી કરી હતી.
દિલ્હીના એક મુખ્ય સિનેપ્લેકસના ડાયરેકટર પીયુષ રાયજાદાના અનુસાર આ ફિલ્મો બાદ આવેલી ‘એલએસડી-2’ અને ‘રઝાકારા’ સહીત લગભગ 7 ફિલ્મો બોકસ ઓફિસ પર નિષ્ફળ રહી હતી. આ
ઉપરાંત હાલમાં રિલીઝ થયેલી રાજકુમાર રાવની ‘શ્રીકાંત’ પણ દર્શકોને આકર્ષિત કરવામાં અસફળ રહી હતી. પીયુષ વધુમાં જણાવે છે કે દિલ્હી-એમસીઆરના મોટાભાગના મલ્ટીપ્લેકસમાં ઓકયુપેન્સી ખૂબ જ ઓછી છે અને સિંગલ સ્ક્રીન સિનેમા હોલોમાં દર્શકોની હાજરી 10થી20 ટકા જ છે.
ઈદ બાદ સિનેમાહોલ વેરાન બન્યા છે, જેના કારણે સિનેમા ઘર માલિકોને નુકશાન વેઠવુ પડી રહ્યું છે. તેમને વધુ એક હિટ ફિલ્મની સખ્ત જરૂરત છે.