મોરબીના સ્ટેશન રોડ પર એક આવારા શખ્સે એસટી બસ સહિતના વાહનના કાચ તોડીને આતંક મચાવ્યો હતો. આ અંગેનો વીડિયો વાયરલ થતા પોલીસે આ શખ્સને ઝડપી પાડી કાયદાનું ભાન કરાવ્યું છે.
મોરબીના સ્ટેશન રોડ પર પાંચેક દિવસ પૂર્વે ત્યાંથી પસાર થઈ રહેલી એસટી બસ અને કારના કાચ તોડ્યા હતા. આ અંગેનો વીડિયો વાયરલ થયો હતો. જેમાં આ યુવકના હાથમાં લાકડી છે અને રોડ પરથી પસાર થઈ રહેલી એસટી બસના બારીના કાચ પર તે લાકડી ફટકારી કાચ તોડી રહ્યો છે. એ ડિવિઝન પોલીસે આ શખ્સને પકડી પાડ્યો છે. જેનું નામ જુસબ હાસમભાઈ શાહમદાર ઉ.વ.૨૦ રહે વિશિપરા ધક્કાવાળી મેલડીમાંના મંદિરની પાસે, મોરબીવાળો છે. પોલીસે આ શખ્સને કાયદાનું ભાન કરાવ્યું હતું. વધુ તપાસ હેડ કોન્સ. ડી.એ.વાઘડીયા ચલાવી રહ્યા છે.