રાજકોટ સહિત રાજ્યની તમામ સબ રજીસ્ટ્રાર કચેરીઓમાં આજ 10 થી 14 સુધી દસ્તાવેજ નોંધણી તથા અન્ય તમામ કામગીરી બંધ રાખવામાં આવનાર છે. આજે તા.10 અને આવતીકાલે તથા 13-14ના રોજ જાહેર રજાઓ છે. જ્યારે તા.12ને શુક્રવારે વેબસાઇટના મેઇન્ટેનન્સ કામગીરી અનુસંધાને દસ્તાવેજ નોંધણી બંધ રહેશે. દરમ્યાન આ અંગે રાજ્યના નોંધણી સર નિરીક્ષક જેનું દેવનની યાદીમાં જણાવ્યા મુજબ રાજ્યની તમામ 294 સબ રજીસ્ટ્રાર કચેરીઓ ખાતે દસ્તાવેજ નોંધણી તથા સંલગ્ન તમામ કામગીરી ઓનલાઇન ગરવી વેબસાઇટ દ્વારા ચાલે છે.
તમામ ઇ-મેઇલથી ગરવી વેબસાઇટનો ડેટાબેઝનો ડેટા વધારે હોઇ તેનું માઇગ્રેશન તેમજ વેબસાઇટનું ટેકનીકલ મેઇન્ટેન્સની કામગીરી કરવી અતિઆવશ્યક છે. આ કામગીરી તા.10 થી 14 દરમ્યાન કરવાની થતી હોઇ ગરવી વેબસાઇટ દ્વારા દસ્તાવેજ નોંધણીની કાર્યવાહી થઇ શકે તેમ ન હોઇ તા.12ને શુક્રવારના રોજ રાજ્યની તમામ સબ રજીસ્ટ્રાર કચેરીઓમાં દસ્તાવેજ નોંધણી તેમજ અન્ય તમામ કામગીરી બંધ રહેશે.