Jio Financial ના શેર સવારે 11 વાગ્યે 379.95 ના સ્તરે ટ્રેડ થઈ રહ્યા હતા અને આ સમયગાળા દરમિયાન તેમાં 6 ટકાનો વધારો થયો હતો. શેર 6.21 ટકા વધીને રૂ. 384.35ની સર્વકાલીન ઊંચી સપાટીએ પહોંચ્યો હતો.
મુકેશ અંબાણીની માલિકીની કંપનીના શેર ત્રિમાસિક પરિણામો જાહેર થાય તે પહેલા જ શેરમાં ઉછાળો નોંધાઇ રહ્યો છે. આ કંપનીના શેરમાં 6 ટકાની વૃદ્ધિ જોવા મળી હતી અને છ મહિનામાં આ શેર 75.49 ટકા વધ્યો છે. મુકેશ અંબાણીની આ કંપની Jio Financial Services છે, જેનો શેર ગુરુવારે 6 ટકા વધીને રૂ. 379.95 પર બંધ થયો હતો.
Jio Financial ના શેર સવારે રૂ. 369.15 પર ખૂલ્યા હતા અને ટ્રેડિંગ દરમિયાન 6 ટકાનો વધારો નોંધાવ્યો હતો. શેર 6.21 ટકા વધીને રૂ. 384.35ની સર્વકાલીન ઊંચી સપાટીએ પહોંચ્યો હતો. કંપનીના બોર્ડ ઓફ ડિરેક્ટર્સની એક બેઠક શુક્રવાર, એપ્રિલ 19, 2024 ના રોજ યોજાવાની છે. આવી સ્થિતિમાં, 31 માર્ચ, 2024 ના રોજ પૂરા થતા ત્રિમાસિક અને પાછલા નાણાકીય વર્ષના પરિણામો વિશે વિગતો આપવામાં આવશે.
કંપનીએ ડિસેમ્બરમાં આટલો નફો કર્યો હતો- નોંધનીય છે કે ડિસેમ્બર ક્વાર્ટરમાં આ NBFCએ સપ્ટેમ્બર ક્વાર્ટરમાં રૂ. 668 કરોડની સરખામણીમાં રૂ. 294 કરોડનો ચોખ્ખો નફો નોંધાવ્યો હતો. Jio ફાઇનાન્શિયલએ જણાવ્યું હતું કે ડિસેમ્બર ક્વાર્ટરમાં તેની કુલ આવક સપ્ટેમ્બર ક્વાર્ટરમાં રૂ. 608 કરોડની સરખામણીએ રૂ. 414 કરોડ હતી. સપ્ટેમ્બર ક્વાર્ટરથી વિપરીત, ત્રીજા ક્વાર્ટરમાં કોઈ ડિવિડન્ડની આવક નહોતી.
રિલાયન્સ ઇન્ડસ્ટ્રીઝ લિમિટેડના ડિમર્જ બિઝનેસ યુનિટે તાજેતરમાં બ્લેકરોક સાથે 50:50 સંયુક્ત સાહસ રચવા માટેના કરાર પર હસ્તાક્ષર કર્યા છે, જેમાં ફંડ મેનેજર કંપનીનો સમાવેશ કરવામાં આવશે અને બાદમાં ભારતમાં બ્રોકરેજ બિઝનેસ શરૂ કરવામાં આવશે.
છેલ્લા 6 મહિનામાં Jio ફાયનાન્સિયલ સર્વિસના શેર 77 ટકા વધ્યા છે. આ વર્ષે તેણે 61.63% રિટર્ન આપ્યું છે. આ સિવાય એક મહિનામાં આ સ્ટોક 7.40% વધ્યો છે. આ કંપનીનું 52-વીક હાઇ રૂ. 384.40 છે અને 52-વીક લો રૂ. 202.80 પ્રતિ શેર છે.
મુકેશ અંબાણીની આ કંપનીના શેર છેલ્લા છ મહિનાથી વધી રહ્યા છે. ડિસેમ્બરમાં પરિણામ આવ્યા બાદ તેમાં તીવ્ર વધારો થયો હતો અને ફરી એકવાર તેના ત્રિમાસિક પરિણામો આવવાના છે. આવી સ્થિતિમાં, જો આ વખતે Jio ફાઇનાન્સિયલ સર્વિસિસના પરિણામો સારા આવે છે, તો સ્ટોક વધુ વધી શકે છે.