પેટીએમ પેમેન્ટ્સ બેંક લિમિટેડમાં છેલ્લાં ઘણાં દિવસથી બધું યોગ્ય નથી ચાલુ રહ્યું. સંકટમાં ફસાયેલી પેમેન્ટ કંપની પેટીએમ પેમેન્ટ્સ બેંકના મેનેજિંગ ડાયરેક્ટર અને CEO સુરિન્દર ચાવલાએ 8 એપ્રિલે પોતાના પદ પરથી રાજીનામું આપી દીધું છે. આ અંગે પીટીએમ પેમેન્ટ્સ બેંકની પેરેન્ટ કંપની વન 97 કોમ્યુનિકેશને સ્ટોક એક્સચેન્જને જાણકારી આપી છે.
કંપનીએ જણાવ્યું કે, ચાવલાએ આ રાજીનામું પર્સનલ કારણસર અને યોગ્ય. કરિયર માટે આપ્યું છે. આ રાજીનામું પેટીએમ પેમેન્ટ્સ બેંક પર ભારતીય રિઝર્વ બેંકની કાર્યવાહી અને નિર્દેશો અંતર્ગત અનેક બેંકિગ સેવાઓ બંધ કર્યાને લગભગ એક મહિના બાદ આવ્યું છે. આ પહેલાં 26 ફેબ્રુઆરીએ વિજય શેખર શર્માએ સંકટગ્રસ્ત PPBL બોર્ડમાંથી રાજીનામું આપ્યું હતું.
વન 97 કોમ્યુનિકેશન્સે પોતાની રેગ્યુલેટરી ફાઈલિંગમાં કહ્યું- MD અને CEO સુરિન્દર ચાવલાએ અંગત કારણસર અને યોગ્ય કરિયરની સંભાવનાઓ શોધવા માટે 8 એપ્રિલ, 2024નાં રોજ રાજીનામું આપ્યું છે.
તેમણે 26 જૂન, 2024 પછી મુક્ત કરવામાં આવશે. ચાવલાએ ગત વર્ષે જાન્યુઆરીમાં જ કંપની સાથે જોડાયા હતા. પરંતુ તેમના કાર્યકાળમાં રેગ્યુલેટરી સ્ટાન્ડર્ડ્સના વારંવાર ઉલ્લંઘનના કારણે હાલમાં જ RBIના કડક નિર્દેશો અંતર્ગત આવી ગઈ.