હુમલાખોરોને શોધી શકાયા નથી. આ હુમલો બુધવાર-ગુરુવારેની મોડી રાત્રે ૧ વાગ્યાની આસપાસ થયો હતો. ઉત્તર પ્રદેશ વિધાનસભા ચૂંટણીના પ્રથમ તબક્કાના મતદાન પહેલા દેશમાં વાતાવરણ બગાડવાનો પ્રયાસ કરવામાં આવ્યો હતો. તમિલનાડુની રાજધાની ચેન્નાઈમાં અજ્ઞાત લોકોએ બીજેપી ઓફિસ પર પેટ્રોલ બોમ્બથી હુમલો કર્યો હતો. હુમલાખોરો ટુ વ્હીલરમાં આવ્યા હતા અને બોમ્બ ફેંકીને ભાગી ગયા હતા. પોલીસ હજુ સુધી હુમલાખોરોને પકડી શકી નથી. જણાવી દઈએ કે હાલમાં તમિલનાડુ શહેરી સ્થાનિક સંસ્થાઓની ચૂંટણી ૨૦૨૨ માટે ભારે ઉત્તેજના ચાલી રહી છે.
Visit Saurashtra Kranti Homepage here
હુમલાના સમાચાર મળતા જ મોટી સંખ્યામાં કાર્યકરો ભાજપ કાર્યાલય પર પહોંચી ગયા હતા. તેમનામાં રોષ જોવા મળ્યો હતો. સ્થાનિક ભાજપ એકમે હુમલાખોરોની તાત્કાલિક ધરપકડ કરવા અને ષડયંત્રનો પર્દાફાશ કરવાની માંગ કરી છે. આ ઘટના પર પ્રતિક્રિયા આપતા ભાજપના કરાટે ત્યાગરાજને જણાવ્યું હતું કે લગભગ ૧.૩૦ વાગ્યે ભાજપ કાર્યાલય પર પેટ્રોલ બોમ્બ ફેંકવામાં આવ્યો હતો. તેમના કહેવા મુજબ ૧૫ વર્ષ પહેલા ડીએમકેની ભૂમિકા સાથે પણ આવી જ ઘટના બની હતી. ભાજપે આ હુમલા માટે તમિલનાડુ સરકારની નિંદા કરી અને કહ્યું કે ભાજપ કેડર આવા હુમલાથી ડરશે નહીં.
Read About Weather here
આ હુમલો એવા સમયે થયો છે જયારે ઉત્તર પ્રદેશ વિધાનસભા માટે પ્રથમ તબક્કાના મતદાનના થોડા કલાકો પહેલા વડાપ્રધાન નરેન્દ્ર મોદીએ મીડિયાને એક ઈન્ટરવ્યુ આપ્યો હતો. પીએમ મોદીએ કહ્યું હતું – કોંગ્રેસ મુકત ભારતના સવાલ પર નરેન્દ્ર મોદીએ કહ્યું કે આજે દેશની જે હાલત છે તેના માટે કોંગ્રેસ સૌથી વધુ જવાબદાર છે. અટલજી અને મારા સિવાયના તમામ વડાપ્રધાન કોંગ્રેસના હતા. જો હું કોંગ્રેસ-મુકત ભારતની વાત કરૃં તો હું એ વિચારધારાથી મુકિતની વાત કરૃં છું. હું કોંગ્રેસ (સાંસદ અને ધારાસભ્યો)ની સંખ્યા વિશે વાત નથી કરી રહ્યો. કોંગ્રેસની કાર્યશૈલી સારી હોત તો આજે દેશ ઘણો આગળ હોત.કોંગ્રેસની કાર્યશૈલી દેશમાં ફેલાઈ ગઈ. કોંગ્રેસે કોમવાદ, જાતિવાદ, ભાષાવાદ, પ્રાંતવાદ અને ભત્રીજાવાદને પ્રોત્સાહન આપ્યું.
Visit Saurashtra Kranti Homepage here
Read National News : Click Here
Visit Saurashtra Kranti Homepage here
Visit Saurashtra Kranti Homepage here