મંગળવાર સુધીમાં ઓડિશા અને બંગાળની ખાડી તરફ આગળ વધવાની આશંકા વચ્ચે વાવાઝોડું આંધ્ર પ્રદેશ તરફ આગળ વધી રહ્યું છે. વાવાઝોડું અસાનીએ 24 કલાકમાં પોતાનો માર્ગ બદલી નાખ્યો છે. હવામાન વિભાગે મંગળવારે આંધ્રપ્રદેશ માટે રેડ એલર્ટ જાહેર કર્યું છે. એટલે કે વાવાઝોડું રાજ્યમાં તબાહી મચાવી શકે છે. આ પછી આજે રાજ્યમાં એલર્ટ ઇન્ટરમીડિયેટ પરીક્ષાઓ મોકૂફ રાખવામાં આવી છે. વાવાઝોડું બુધવારે સવાર સુધીમાં કાકીનાડા અને વિશાખાપટ્ટનમ વચ્ચે આંધ્રપ્રદેશના દરિયાકાંઠે ત્રાટકી શકે છે. તે પછી પશ્ચિમ-મધ્ય બંગાળની ખાડી સુધી પહોંચી શકે છે. જેના કારણે આંધ્રપ્રદેશમાં રેડ એલર્ટ જારી કરવામાં આવ્યું છે. તોફાનની અસર બિહાર, ઝારખંડ, છત્તીસગઢમાં પણ રહેશે. અહીં 11 થી 13 મે સુધી વરસાદ પડશે, સાથે જ ભારે પવન પણ ફૂંકાશે.
Visit Saurashtra Kranti Homepage here
અસાની વાવાઝોડામાં ભારે વરસાદ સાથે 100 કિલોમીટર પ્રતિ કલાકની ઝડપે પવન ફૂંકાશે. આવી સ્થિતિમાં, અહીં નુકસાન થવાની સંભાવના છે. આ જોતા સ્થાનિક વહીવટીતંત્ર વાવાઝોડા સંબંધિત આફતોથી બચવા માટે એલર્ટ આપવામાં આવ્યું છે. આંધ્ર પ્રદેશના શ્રીકાકુલમ, વિજિયાનગરમ, વિશાખાપટ્ટનમ, પૂર્વ ગોદાવરી, કૃષ્ણા, ગુંટુર અને પશ્ચિમ ગોદાવરી જિલ્લામાં બુધવારે સવારે 8.30 વાગ્યા સુધી 40-50 કિમી પ્રતિ કલાકની ઝડપે 60 કિમી પ્રતિ કલાકનૂ ઝડપે પવન સાથે ભારે વરસાદ પડવાની શક્યતાઓ છે.મંગળવારે ખરાબ હવામાનને કારણે આંધ્રપ્રદેશના વિશાખાપટ્ટનમ એરપોર્ટ પરથી 23 ફ્લાઈટ્સ રદ કરવામાં આવી હતી. જ્યારે, ચેન્નાઈ એરપોર્ટે પણ10 ફ્લાઈટ રદ કરી છે. જેમાં હૈદરાબાદ, વિશાખાપટ્ટનમ, જયપુર અને મુંબઈની ફ્લાઈટ્સનો સમાવેશ થાય છે.ઓડિશાના ગંજમ જિલ્લાના છતરપુર પાસે મંગળવારે દરિયામાં પાંચ માછીમારી બોટ પલટી ગઈ હતી. આ અકસ્માતોમાં તમામ 65 માછીમારો તરીને કિનારે પહોંચ્યા હતા.
એક અધિકારીએ જણાવ્યું હતુ કે આ ઘટના ત્યારે બની જ્યારે પાંચ માછીમારોને લઈ જતી એક બોટ પલટી ગઈ હતી અને અન્ય ચાર બોટને ટક્કર મારી, જેમાં કુલ 60લોકો સવાર હતા. અકસ્માતમાં તમામ બોટ ડૂબી ગઈ હતી.અનુસાર, આગામી 24 કલાક દરમિયાન દરિયાકાંઠાના આંધ્ર પ્રદેશમાં એક કે બે સ્થળોએ મધ્યમથી ભારે વરસાદની સાથે ભારે વરસાદની શક્યતા છે. ગંગા પશ્ચિમ બંગાળ, દરિયાકાંઠાના ઓડિશા, મણિપુર, મિઝોરમ, ત્રિપુરા અને દક્ષિણ કર્ણાટક અને કેરળમાં છૂટાછવાયા સ્થળોએ ભારે વરસાદ સાથે હળવાથી મધ્યમ વરસાદની સંભાવના છે.તમિલનાડુ, પશ્ચિમ બંગાળ, ઉત્તરપૂર્વ ભારતના બાકીના ભાગો, બિહાર અને ઝારખંડના પૂર્વ ભાગો અને પશ્ચિમ હિમાલયના અલગ ભાગોમાં હળવાથી મધ્યમ વરસાદની શક્યતા છે. કર્ણાટક, તેલંગાણા, ઓડિશા, છત્તીસગઢ અને ઉત્તર પ્રદેશની તળેટીમાં હળવો વરસાદ પડી શકે છે.આંધ્રપ્રદેશ, દરિયાકાંઠાના ઓડિશા અને ગંગાના પશ્ચિમ બંગાળમાં મધ્યમથી ભારે પવન ફુંકાવાની સંભાવના છે. પવનની ઝડપ 50 થી 60 કિમી પ્રતિ કલાકથી 70 કિમી પ્રતિ કલાક સુધી પહોંચી શકે છે. દરિયાની સ્થિતિ ખરીબ બની રહેશે અને દરિયામાં ઊંચા મોજા ઉછળશે.
દક્ષિણ હરિયાણા, રાજસ્થાનના ભાગો, ગુજરાતના અલગ-અલગ ભાગો, મધ્યપ્રદેશમાં હીટસ્ટ્રોકની સંભાવના છે.છેલ્લા 24 કલાક દરમિયાન, કેરળ અને ગંગાના પશ્ચિમ બંગાળમાં છૂટાછવાયા સાથે હળવાથી મધ્યમ વરસાદ પડ્યો હતો. તમિલનાડુની રાયલસીમા, કર્ણાટક, મણિપુર, મિઝોરમ અને ત્રિપુરાના ભાગોમાં છૂટાછવાયા ભારે વરસાદ સાથે હળવોથી મધ્યમ વરસાદ પડ્યો છે.આસામ, અરુણાચલ પ્રદેશ, મેઘાલય, પશ્ચિમ બંગાળ, જમ્મુ કાશ્મીરવા કેટલાક ભાગો, આંધ્રપ્રદેશ અને અંદમાન નિકોબારમાં હળવાથી ભારે વરસાદ પડ્યો હતો.પશ્ચિમ હિમાલય, દરિયાકાંઠાના ઓડિશાના ભાગો અને બિહારના અલગ ભાગોમાં હળવો વરસાદ થયો. રાજસ્થાનના ભાગો અને ગુજરાત, મધ્યપ્રદેશ અને વિદર્ભના અલગ-અલગ ભાગોમાં ગરમીનું મોજુ પ્રવર્તી રહ્યું છે.અસાનીના કારણે પશ્ચિમ બંગાળ, ઓડિશા અને આંધ્રપ્રદેશ માટે NDRFની કુલ 50 ટીમો તહેનાત કરવામાં આવી છે.
Read About Weather here
તેમાંથી 22 ટીમો મેદાન પર તહેનાત કરવામાં આવી છે, જ્યારે 28 ટીમોંને પરિસ્થિતિનો સામનો કરવા માટે રાજ્યોમાં એલર્ટ પર રાખવામાં આવી છે. આ સિવાય વિશાખાપટ્ટનમ હવાઈ સર્વેક્ષણ અને જરૂર પડ્યે અસરગ્રસ્ત વિસ્તારોના રાહત કામગીરી માટે ચેન્નઈ નજીક આઈએનએસ ડેગા અને આઈએનએસ રજાલીને નેવી સ્ટેશન પર એલર્ટ મોડ પર રાખવામાં આવ્યા છે.અસાની આ વર્ષનું પ્રથમ ચક્રવાતી વાવાઝોડું છે. અગાઉ 2021માં 3 ચક્રવાતી વાવાઝોડા આવ્યા હતા. ચક્રવાત જાવદ ડિસેમ્બર 2021માં આવ્યું હતું. જ્યારે, સપ્ટેમ્બર 2021 માં ચક્રવાત ગુલાબે દસ્તક આપી હતી, જ્યારે મે 2021માં ચક્રવાત યાસે બંગાળ, બિહાર સહિત ઘણા રાજ્યોમાં તબાહી મચાવી હતી.વાવાઝોડું અસાની એ શ્રીલંકાએ આપેલું નામ છે જેનો સિંહાલીમાં અર્થ ‘ક્રોધ’ થાય છે. જે નામો ભવિષ્યમાં ઉપયોગમાં લેવાશે તેમાં ભારતના ઘુરની, પ્રોબાહો, ઝાર અને મુરાસુ, બિપરજોય (બાંગ્લાદેશ), આસિફ (સાઉદી અરેબિયા), દીક્સમ (યમન) અને તુફાન (ઈરાન) અને શક્તિ (શ્રીલંકા) સામેલ છે.અસાની પછી જે ચક્રવાત સર્જાશે તેને સિતારંગ કહેવામાં આવશે, જે થાઈલેન્ડ દ્વારા આપવામાં આવેલ નામ છે.
Visit Saurashtra Kranti Homepage here
Read National News : Click Here
Visit Saurashtra Kranti Homepage here
Visit Saurashtra Kranti Homepage here