શ્રી ખોડલધામ મંદિર પરિસર 11 જૂનથી ભાવિકો માટે ખુલશે

28
ખોડલધામ
ખોડલધામ

સવારે 7-00 થી સાંજે7-00 વાગ્યા સુધી મંદિર ખુલ્લું રહેશે

ધ્વજારોહણમાં 50 ભાવિકો ઉપસ્થિત રહી શકશે

કોરોના વાઇરસની બીજી લહેરમાં કોરોના વાઇરસનું સંક્રમણ ન ફેલાય તે માટે છેલ્લા બે મહિનાથી સૌરાષ્ટ્રનું સુપ્રસિદ્ધ યાત્રાધામ શ્રી ખોડલધામ મંદિર બંધ રાખવામાં આવ્યું હતું. હવે રાજ્ય સરકાર દ્વારા 11 જૂનથી ધાર્મિક સ્થાનોને કોરોનાની ગાઈડલાઈનના પાલન સાથે ખોલવાની પરવાનગી આપવામાં આવતા શ્રી ખોડલધામ મંદિર ખોલવાનો નિર્ણય લેવાયો છે.

Subscribe Saurashtra Kranti here

સરકારશ્રીએ રાજ્યભરના ધાર્મિક સ્થાનોને 11 જૂનથી ખુલ્લા રાખવાની પરવાનગી આપતા શ્રી ખોડલધામ ટ્રસ્ટ-કાગવડના ચેરમેનશ્રી નરેશભાઈ પટેલ સહિતના ટ્રસ્ટીમંડળ દ્વારા નિર્ણય લઈને તમામ ગાઈડલાઈનનું પાલન કરીને મંદિર પરિસર ખોલવાનું નક્કી કર્યું છે. ટ્રસ્ટના આ નિર્ણયને ભાવિકો પણ આવકારી રહ્યા છે. ગત તારીખ 10 એપ્રિલ-2021થી શ્રી ખોડલધામ મંદિર કોરોના વાઇરસના પગલે દર્શનાર્થીઓ માટે બંધ કરી દેવાયું હતું.

હવે જ્યારેબે મહિના બાદ 11 જૂનથી શ્રી ખોડલધામ મંદિર ખુલી રહ્યું છે ત્યારે દર્શનાર્થીઓના અંતરમાં પણ આનંદની લાગણી જોવા મળી રહી છે. જો કે હવે દર્શન વ્યવસ્થામાં અનેક પ્રકારના ફેરફાર સાથે મંદિર ખુલશે તેની દરેક ભક્તજનોએ નોંધ લેવી.11 જૂનથી ભક્તો માટે સવારના 7-00 થી સાંજનાના 7-00 વાગ્યા સુધી જ મંદિર પરિસર દર્શન માટે ખુલ્લું રહેશે.

Read About Weather here

મંદિરના પ્રવેશદ્વાર પર થર્મલ ગનથી તમામ ભક્તોના શરીરનું તાપમાન માપવામાં આવશે. ઉપરાંત મુખ્ય પ્રવેશદ્વાર પર હાથ સેનિટાઈઝ કરીને જ પ્રવેશ આપવામાં આવશે. મંદિર પરિસરમાં પ્રવેશનાર દરેક ભક્તોએ માસ્ક પહેરવું ફરજિયાત રહેશે અને અંદર પ્રવેશ્યા બાદ સોશિયલ ડિસ્ટન્સીંગનું ખાસ પાલન કરવું પડશે. આ ઉપરાંત ટ્રસ્ટ દ્વારા પણ મંદિર પરિસરમાં ભક્તો વધુ સંખ્યામાં એકઠાં ન થાય તેનું પૂરતું ધ્યાનરાખવામાં આવશે અને દર્શન ગૃહમાં દર્શનાર્થી વચ્ચે જરૂરી અંતર જળવાઈ રહે તે પ્રકારની વ્યવસ્થા ગોઠવાઈ છે.

હાલ મંદિરે થતાં ધ્વજારોહણ કાર્યક્રમમાં ફક્ત 50 લોકો જ ઉપસ્થિત રહીને ધ્વજારોહણ કરે તે પ્રકારે આયોજન કરવામાં આવ્યું છે. આગામી સમયમાં સરકારશ્રી દ્વારા જે નિયમો જણાવવામાં આવશે અને ટ્રસ્ટીમંડળ દ્વારા જે નિર્ણય લેવાશે તે પ્રમાણે મંદિર પરિસરનું સંચાલન થશે જેની સર્વ ભક્તોએ નોંધ લેવી.

Read E-Paper here

Subscribe Saurashtra Kranti here

Read National News here

Visit Saurashtra Kranti here

Read About Weather here

Previous articleઘંટેશ્વર 25 વારીયા ક્વાર્ટરમાં રૂ. 45 હજારની માતાની ચોરી કરનાર ઝડપાયો