કોરોના વાઈરસને કારણે રાજકોટની સ્થિતિ હાલ ગંભીર છે. ઓખા-ખુર્દા રોડ (પુરી) ટ્રેનમાં યાત્રિકોની સંખ્યા પરથી સ્પષ્ટ થયું કે લોકોમાં પણ કોરોનાનો ભય હજુ અકબંધ છે. લોકડાઉન બાદ પ્રથમ વખત સૌરાષ્ટ્રમાંથી શરૂ થયેલી ઓખા-ખુર્દા રોડ ટ્રેન ઓખાથી સવારે 8.30 કલાકે ઉપડીને બપોરે 13.24 કલાકે રાજકોટ સ્ટેશન પર આવી પહોચી હતી. 22 કોચની આ સ્પેશિયલ ટ્રેનમાં 1312 સીટની બેઠક વ્યવસ્થા છે તેની સામે આ ટ્રેનમાં રાજકોટ ડિવિઝનમાંથી માત્ર 211 યાત્રિકે જ મુસાફરી કરી હતી. ઓખાથી ખુર્દા રોડ આશરે 2730 કિલોમીટર થાય છે. રેલવેને આ ટ્રેન ઓખાથી ખુર્દા રોડ સુધી દોડાવવા માટે માત્ર ડીઝલનો જ અંદાજે 8.50 લાખ જેટલો ખર્ચ થાય છે જેની સામે રાજકોટ ડિવિઝનમાંથી માત્ર 211 યાત્રિકની ટિકિટની અંદાજે અઢી લાખની આવક થઇ છે. આ ટ્રેનમાં આગળના સ્ટેશનો પર પણ યાત્રિકોની પાંખી સંખ્યા રહી હોવાનું જાણવા મળ્યું છે.
ઓખાથી ખુર્દા રોડનું ક્યાં કોચનું કેટલું ભાડું?
| કોચ | ભાડું |
| સેકન્ડ સ્લિપર | રૂ. 538 |
| સ્લિપર | રૂ. 853 |
| થર્ડ એ.સી | રૂ. 2256 |
ક્યાં સ્ટેશનથી કેટલા યાત્રિકોએ મુસાફરી કરી?
| સ્ટેશન | 2AC | 3AC | SL | 2L | કુલ |
| ઓખા | 3 | 1 | 7 | 0 | 11 |
| દ્વારકા | 0 | 8 | 21 | 1 | 30 |
| જામનગર | 11 | 7 | 26 | 10 | 54 |
| સ્ટેશન | 2AC | 3AC | SL | 2L | કુલ |
| રાજકોટ | 0 | 14 | 74 | 18 | 106 |
| સુરેન્દ્રનગર | 1 | 2 | 7 | 0 | 10 |
| કુલ | 15 | 32 | 135 | 29 | 211 |