વેરાવળ ભાજપ નેતાને ચેક રિટર્નના 2 કેસમાં કોર્ટે એક-એક વર્ષની સાદી કેદની સજા ફટકારી

11
BJP-VERAVAL-CHEQUE-RETURN
BJP-VERAVAL-CHEQUE-RETURN

ભાજપ નેતાનો ચેક રિટર્ન

ચેક રિટર્નની સજા ઉપરાંત ચાર લાખ રુપિયાનો દંડ પણ ફટકારાયો

વેરાવળમાં ભાજપના નેતા અને પાલિકાના પૂર્વ ઉપપ્રમુખને ચેક રીટર્નના બે જુદૃા-જુદૃા કેસોમાં કોર્ટે એક-એક વર્ષની સાદી કેદની સજા તથા ચાર લાખ રૂપીયાનો દંડ ફટકારતો હુકમ કર્યો છે. આમ, તકસીરવાન ઠરેલા ભાજપના આગેવાનને બંન્ને કેસની કુલ બે વર્ષની સાદી કેદની સજા તથા ચાર લાખનો દંડ અને ઉછીના લીઘેલ ચાર લાખ પરત આપવાનો હુકમ કરેલ હોવાનું જાણવા મળેલ છે.

આ અંગે પ્રાપ્ત વિગતોનુસાર વેરાવળ ભાજપના નેતા એવા પાલિકાના પૂર્વ ઉપપ્રમુખ કિશોરભાઇ સામાણીએ મિત્રતા ખાતર સને. ૨૦૧૦ આસપાસ તેમના મિત્ર જનક સોમૈયા પાસેથી હાથ ઉછીના ચાર લાખ રૂપિયા લીઘેલ હતા. જેના બદલામાં કિશોરભાઇએ એચડીએફસીના રૂ.૩ લાખ અને રૂ.૧ લાખની રકમના બે ચેકો જનકભાઇને આપેલ હતા. જે બંન્ને રીટર્ન થતા જનકભાઇએ વેરાવળની કોર્ટમાં ઘી નેગોશિએબલ ઇન્સ્ટુમન્ટ એકટ મુજબ બે કેસો દાખલ કરેલ હતા. આ કેસ વેરાવળના મહે.જયુડી.(ફ.ક.)ની કોર્ટમાં ચાલી જતા ન્યાયાઘીશ સાહેબ દ્રારા કિશોર સામાણીને બંન્ને ફોજદારી કેસમાં તકસીરવાન ઠેરવી અનુક્રમે એક કેસમાં ત્રણ લાખ રૂપીયાનો દંડ અને એક વર્ષની સજા તથા બીજા કેસમાં એક લાખનો દંડ અને એક વર્ષની સાદી કેદની સજાનો હુકમ ફરમાવેલ હતો.

Read e-paper here

Subscribe Saurashtra Kranti here

Do Follow Facebook here

Read politics News here

Read About Weather here