મોરબીના એક ગામમાં રસોઈ બાબતે માથાકૂટ થતા યુવાને માતા અને બહેનની કરી હત્યા

42

મોરબીના જીકીયારી ગામે ગત રાત્રે એક યુવાનને પોતાની માતા અને બહેનને ધારીયાના ઘા ઝીંકીને બન્નેને મોતને ઘાટ ઉતારી દીધા હતા. જેમાં માતા અને બહેને વચ્ચે રસોઈ બનાવવા મામલે માથાકૂટ થયા બાદ ઉશ્કેરાયેલા યુવાને આ ખૂની ખેલને અંજામ આપ્યો હતો. આ ડબલ મર્ડરની ઘટનાથી નાના એવા ગામમાં સોપો પડી ગયો છે. આ બનાવને પગલે તાલુકા પોલીસે ઘટનાસ્થળે દોડી જઈને તપાસ હાથ ધરી છે. પોલીસે આરોપીની ધરપકડ કરી લીધી છે. મોરબીના જીકીયારી ગામે શનિવારની રાત્રે બેવડી હત્યાનો બનાવ સામે આવ્યો છે. જેમાં જીકિયારી ગામે રહેતા દેવશી સવજીભાઈ ભાટિયાએ પોતાની સગી જનેતા કસ્તુરીબેન ભાટિયા અને બહેન સંગીતાબેન ભાટિયાને ધારીયાના ઘા ઝીંકી બન્નેની હત્યા કરી નાખી હતી.

જેમાં ગત રાત્રે માતા અને બહેન વચ્ચે જમવાનું બનાવવા મામલે બબાલ થયા બાદ આ યુવાનના મનમાં એટલી હદે ખુન્નસ ભરાયું હતું કે સગી જનેતા અને બહેનને મોતને ઘાટ ઉતારી દીધી હતી. આ બનાવ બાદ બન્નેના મૃતદેહને પીએમ અર્થે હોસ્પિટલમાં ખસેડાયા હતા. આ બનાવની જાણ થતાં તાલુકા પોલીસ સ્ટાફ ઘટનાસ્થળે દોડી ગયો હતો અને મૃતકના પરિવારજનની ફરિયાદના આધારે તપાસનો ધમધમાટ શરૂ કર્યો છે. જો કે આરોપી દેવશીની પોલીસની ધરપકડ કરી લીધી છે.