બોલિવૂડ અભિનેતા અભિષેક બચ્ચન હંમેશાં સોશિયલ મીડિયા પર ટ્રોલ થાય છે. અભિષેક હાલ ખૂબ જ વ્યસ્ત શેડ્યૂલમાં કામ કરી રહૃાો છે, અભિષેક બચ્ચન તેની આગામી ફિલ્મ લુડોના પ્રમોશનમાં વ્યસ્ત છે. તેની ફિલ્મ દિવાળી પર નેટફલિક્સ પર રિલીઝ થવાની છે. આ તમામ વચ્ચે અભિષેક ટ્રોલ થઇ રહૃાો છે. ટ્વિટર પર એક યુઝરે અભિષેક બચ્ચનને ટ્રોલ કર્યો. આ યુઝરે પોતાની ટ્વિટમાં ખેડૂતનો ફોટો શેર કર્યો. ખેડૂત પરાળી બાળી રહૃાો છે. અભિષેક બચ્ચન ફોટોમાં જોવા મળેલી વ્યક્તિની જેમ કંઈક અંશે દેખાય છે. યુઝરે ફોટો શેર કરીને લખ્યું જો અભિષેક ‘બચ્ચન ન હોત. આ રીતે તેનુ કહેવાનુ હતુ કે અભિષેક ફક્ત બચ્ચન હોવાના લીધે જ ચાલી રહૃાો છે કે ફિલ્મોમાં કામ કરી રહૃાો છે.
અભિષેક બચ્ચને આ ટ્વીટનો જોરદાર જવાબ આપ્યો. ટ્રોલરની ટ્વિટનો જવાબ આપતા તેણે લખ્યું હાહાહાહા. ફની! તારા કરતા તો સારો દેખાઉ છુ દોસ્ત. આ પહેલીવાર નથી જ્યારે અભિષેક બચ્ચને ટ્રોલને યોગ્ય જવાબ આપ્યો હોય. તે આ પહેલા પણ આ રીતે સોશિયલ મીડિયા પર જવાબ આપી ચુક્યો છે.
નેપોટિઝમના નામે એક યુઝરે અગાઉ પણ તેને ટ્રોલ કરવાનો પ્રયાસ કર્યો હતો, જ્યારે અભિનેતાએ ખૂબ જ રમૂજી જવાબ આપ્યો હતો. અમિત શુક્લા નામના પહેલા યૂઝર્સે લખ્યું, ‘તને નથી લાગતું કે તને માત્ર અમિતાભ બચ્ચનના પુત્રના કારણે જ ફિલ્મોમાં કામ મળે છે.
અભિષેકે આ ટ્વીટનો જવાબ આપ્યો, હું ઈચ્છું છું કે તમે જે બોલો તે સાચું પડે. વિચારો કે મને કેટલું કામ મળશે. અભિષેક બચ્ચન લુડો ફિલ્મમાં જોવા મળશે. આ ફિલ્મમાં તેની સાથે રાજકુમાર રાવ, આદિત્ય રોય કપૂર, પંકજ ત્રિપાઠી, સાન્યા મલ્હોત્રા છે. લુડો નિર્દૃેશક અનુરાગ બાસુએ પ્રોડ્યુસ કરી છે. આ સાથે જ અભિષેક ફિલ્મ બિગ બુલ અને બોબ બિસ્વાસમાં પણ મુખ્ય ભૂમિકામાં જોવા મળશે. આ સિવાય ચાહકો વેબ સિરીઝ બ્રીધ ૩ ની રાહ જોઇ રહૃાા છે.